ચહેરા પર બ્રાઉન સ્પોટ માટે વધતી ઉંમર, વિટામિનની કમી, તણાવ, સૂર્યની અલ્ટ્રાવાયલેટ કિરણો અને હાઈપર પિગ્મેન્ટેશન જેવા કારણો જવાબદાર છે. આવા ધબ્બા ચહેરા, ગરદન, છાતી, ખભા અને હાથ-પગ પણ થઈ જાય છે. જેના કારણે સ્કિન ખૂબ જ ખરાબ દેખાય છે. ખાસ કરીને ચહેરો ખરાબ લાગે છે. તો તેને ફટાફટ દૂર કરવાના આજે ઉપાય જાણી લો.
ચંદન સ્ક્રબ
બ્રાઉન સ્પોટથી છુટકારો મેળવવા સ્ક્રબ ખૂબ જ લાભકારી છે. હોમમેડ સ્ક્રબ બનાવવા માટે 1 કપ ચંદન પાઉડર, અડધો કપ ઓટ્સ પાઉડર, મિલ્ક અને ગુલાબજળ મિક્સ કરી લો. સપ્તાહમાં 3વાર આ સ્ક્રબ ફેસ અથવા બોડીના જે પાર્ટ્સમાં સ્પોટ હોય ત્યાં લગાવો. ધીરે ધીરે સ્પોટ દૂર થઈ જશે.
બટરમિલ્ક
બ્રાઉન સ્પોટને દૂર કરવા 4 ચમચી છાશમાં 2 ચમચી ટામેટાનો રસ મિક્સલ કરી રોજ ફેસ પર લગાવો. 15 મિનિટ બાદ વોશ કરી લો. આ ઉપાય સ્પોટ ગાયબ કરી દેશે.
મૂળાનો રસ
મૂળાનો રસ પણ બ્રાઉન સ્પોટને વધતાં રોકે છે અને તેને દૂર કરે છે. તેના માટે મૂળાનો રસ કાઢી તેને ફેસ પર 10 મિનિટ લગાવી રાખો. પછી ચહેરો ધોઈ લો. આવું સપ્તાહમાં 3 વાર કરો.
લસણ અને ડુંગળીનો રસ
ડાર્ક સ્પોટ કે બ્રાઉન સ્પોટ દૂર કરવા માટે એક ચમચી લસણનો રસ અને એક ચમચી ડુંગળીનો રસ કાઢી મિક્સ કરીને ચહેરા પર 15 મિનિટ લગાવો. પછી ધોઈ લો. આ સમસ્યા ઝડપથી દૂર થઈ જશે.
લીંબુનો રસ
ચહેરાના કોઈપણ ડાઘ ધબ્બા દૂર કરવા માટે લીંબુનો રસ કારગર છે. તેના માટે કોટનન બોલમાં લીંબુનો રસ લઈ જ્યાં સ્પોટ છે ત્યાં લગાવો અને 15 મિનિટ બાદ ધોઈ લો. આ સમસ્યા દૂર થઈ જશે.