પેટ્રોલ પંપ દરેક ખાસ અને સામાન્ય માણસની જીંદગીથી જોડાયેલો છે. એવો કોઇ વ્યક્તિ નથી જે પેટ્રોલ ડિઝલ ભરાવવા માટે પેટ્રોલ પંપ ના ગયો હોય. પરંતુ શું તમે જાણો છો કે પેટ્રોલ પંપ પર કેટલીક એવી સર્વિસ છે જે બિલકુલ ફ્રી મળે છે. જો આ સર્વિસ દેશના કોઇ પેટ્રોલ પંપ ના મળે તો તમે એની ફરિયાદ કરી શકો છો. આટલું જ નહીં તમે કરેલી ફરીયાદ જો સાચી નિકળી તો એ પેટ્રોલ પંપનું લાયસન્સ પણ રદ થઇ શકે છે.
ગાડીઓના પૈડામાં હવા ભરવી
દરેક પેટ્રોલ પંપ પર હવા ભરવાની સુવિધા ફરજિયાત છે. એના માટે પેટ્રોલ પંપ ડિલરને પોતાના પંપ પર હવા ભરવાનું ઇલેક્ટ્રોનિક મશીન અને ગાડીઓમાં હવા ભરનાર વ્યક્તિને નિયુક્ત કરવો પણ જરૂરી છે. બીજી એક વાત આ સર્વિસ માટે પેટ્રોલ પંપ માલિક અથવા નિયુક્ત વ્યક્તિ તમારી પાસેથી પૈસા માંગી શકે નહીં. આ સુવિધા લોકોને ફ્રી માં આવશે.
ફર્સ્ટ એડ બોક્સની હોવી જોઇએ સુવિધા
દરેક પેટ્રોલ પંપ પર એક ફર્સ્ટ એડ બોક્સની સુવિધા હોવી જોઇએ કારણ કે સામાન્ય જનતા જરૂર પડવા પર એનો ઉપયોગ કરી શકે છે. આ બોક્સમાં જીવનરક્ષક દવાઓ અને પાટો હોવો જોઇએ. આ સાથે દરેક દવાઓ પર એક્સપાયરી ડેટ પણ લખેલી હોવી જોઇએ. આ બોક્સમાં દવાઓ જૂની હોવી જોઇએ નહીં. જો પેટ્રોલ પંપ તમારી માંગ પર ફર્સ્ટ એડ બોક્સ આપવાની ના પાડી દે તો એની લેખિત ફરિયાદ કરી શકો છો.
પીવા માટે શુદ્ધ પાણી
પેટ્રોલ પંપ ડિલરે પોતાના પંપ પર સામાન્ય લોકોની સુવિધા માટે ફ્રી માં પાણીની સુવિધા આપવી પડશે. એના માટે પેટ્રોલ પંપ ડિલરને આરઓ મશીન વોટર કૂલર અને પાણીનું કનેક્શન પોતાનથી લગાવવું પડશે. જો કોઇ પંપ પર પીવાના પાણીની સુવિધા ના મળે તો એના માટે પેટ્રોલ માર્કેટિંગ કંપનીને ફરીયાદ કરી શકો છો.
ઇમરજન્સીમાં કરી શકો છો ફોન કોલ
જો તમે રસ્તામાં કોઇ પણ મુસીબતમાં ફસાયા છો અને મોબાઇલ ફોનની સુવિધા ના હોય તો ડરવાની કોઇ જરૂર નથી. તમે કોઇ પણ પેટ્રોલ પંપ પર જઇને કોઇ પણ એક નંબર પર કોલ કરી શકો છો. એના માટે પેટ્રોલ પંપ પર તૈનાત કર્મચારી અથવા મેનેજર તમને ના પાડી શકે નહીં.
વોશરૂમની સુવિધા
પેટ્રોલ પંપ પર સ્વચ્છ અને સાફ વોશરૂમની સુવિધા લોકોને મળવી જોઇએ. એનો પ્રયોગ કરવા માટે તમને કોઇ રોકી શકશે નહીં.