ગૌરવ / અંબાણીને પછાડી અદાણી બન્યા એશિયાના સૌથી મોટા ધનકુબેર, દુનિયાના અમીરોમાં જુઓ કયા નંબરે-કેટલી છે સંપત્તિ

• દુનિયાનાં ટોપ 10 અમીર વ્યક્તિઓમાં સામેલ અદાણી 
• મુકેશ અંબાણીને છોડ્યા પાછળ 
• 100 બિલિયન ડોલર છે કુલ સંપત્તિ  

દુનિયાનાં ટોપ 10 અમીર વ્યક્તિઓમાં સામેલ અદાણી 

ફિલ્મ દંગલમાં આમિર ખાનનો એક ડાયલોગ છે. 'મ્હારી છોરીયાં છોરો સે કમ હૈ કે'. આ ડાયલોગને જો ભારતનાં ઉદ્યોગપતિઓની સફળતાની દ્રષ્ટીએ જોવામાં આવે તો ભારત ગર્વથી કહી શકે છે કે મ્હારે કારોબારી જેફ બેજોસ ઔર ગેટ્સ સે કમ હૈ કે. આજે તેમનો ડંકો ભારત બહાર એશિયા અને આખી દુનિયામાં વાગી રહ્યો છે. અત્યાર સુધી તમે મુકેશ અંબાણીનું નામ સૌથી અમીર વ્યક્તિના લિસ્ટમાં જોયું હશે, પરંતુ હવે ગૌતમ અદાણીએ તેમને પાછળ છોડી દીધા છે અને તેઓ એશિયાનાં સૌથી પૈસાદાર વ્યક્તિ બની ગયા છે. એટલું જ નહી, દુનિયાના ટોપ 10 અમીર લોકોમાં ગૌતમ અદાણી સામેલ થઇ ચુક્યા છે. 

બ્લૂમબર્ગ બીલીયનર્સ ઇન્ડેક્સનાં લેટેસ્ટ આંકડાઓ અનુસાર, અદાણી ગ્રુપના ગૌતમ અદાણીની કુલ સંપત્તિ 100 અરબ ડોલરને પાર થઇ ગઈ છે. આ સાથે જ હવે સેન્ટીબીલીયનર લીસ્ટમાં તેઓ સામેલ થઇ ચુક્યા છે. સેન્ટીબીલીયનર એ લોકોને કહેવામાં આવે છે, જેની સંપત્તિ 100 અરબ ડોલરથી વધારે હોય. આ પ્રકારે અદાણી એલન મસ્ક અને જેફ બેજોસ સાથે આ ક્લબમાં સામેલ થઇ ગયા છે. અદાણી આ ક્લબમાં સામેલ થનાર બીજા ભારતીય બીઝનેસમેન છે. તેમની પહેલા રિલાયંસ ઈંડસ્ટ્રીનાં મુકેશ અંબાણીનું નામ આ ક્લબમાં જોડાઈ ચુક્યું છે. 

દુનિયામાં કોણ કેટલામાં નંબર પર?
બ્લૂમબર્ગનાં હાલના આંકડાઓ અનુસાર, ટેસ્લાનાં સીઈઓ એલન મસ્ક 273 બિલિયન ડોલર સાથે દુનિયાના સૌથી અમીર વ્યક્તિ છે. ત્યાર બાદ બીજા નંબર પર એમેઝોનનાં જેફ બોજેસ છે, જેમની કુલ સંપત્તિ 188 બિલિયન ડોલર છે. આ લીસ્ટમાં ત્રીજા નંબર પર ફ્રાંસનાં બર્નાર્ડ અર્નોલ્ટ છે. તેમની કુલ સમ્પાત્તી 148 બિલિયન ડોલર છે. 133 બિલિયન ડોલર સાથે બિલ ગેટ્સ ચોથા નંબર પર, 127 બિલિયન ડોલર સાથે વોરેન બફેટ પાંચમાં સ્થાન પર, 125 બિલિયન ડોલર સાથે લેરી પેજ છઠ્ઠા, સેરગી બ્રિન 119 બીલ્યાણ ડોલર સાથે 7માં સ્થાન પર છે, સ્ટીવ બાલમેર 108 બિલિયન ડોલર સાથે આઠમા સ્થાન પર, લેરી એલિસન 103 બિલિયન ડોલર સાથે નવમા સ્થાન પર અને ગૌતમ અદાણી 100 બિલિયન ડોલર સાથે દસમાં સ્થાન પર છે. ત્યાર બાદ મુકેશ અંબાણી 99 બિલિયન ડોલર સાથે 11મા નંબર છે. ફેસબુકનાં માર્ક ઝુકરબર્ગ 85 બિલિયન ડોલર સાથે 12મા સ્થાન પર છે. 

​​​​​​​

આ વર્ષે કેટલી વધી સંપત્તિ?
બ્લૂમબર્ગ બીલીયનર્સ ઇન્ડેક્સ અનુસાર, ગૌતમ અદાણીની સંપત્તિમાં આ વર્ષે 24 અરબ ડોલરનો વધારો થયો છે. અદાણી આ વર્ષે દુનિયાનાં સૌથી વધારે લાભ મેળવનાર વ્યાપારીઓમાંના એક છે. જાણાવી દઈએ કે અદાણી કોલેજ ડ્રોપઆઉટ છે. ગયા 2 વર્ષમાં તેમની સંપત્તિ લગભગ ડબલ થઇ ગઈ છે. ગ્રીન એનર્જી સાથે જોડાયેલ તેમની કંપનીનો કારોબાર ઝડપથી ફેલાઈ રહ્યો છે.