બોલિવુડ કિંગ ખાન શાહરૂખ ખાનની પત્ની ગૌરી ખાન ઇન્ડસ્ટ્રીમાં પોતાની એક અલગ ઓળખ ધરાવે છે. તેની પોતાની ઇન્ટીરિયર ડિઝાઇનિંગની કંપની છે, જેના કલાયન્ટ મોટા-મોટા સેલેબ્સ છે. આ લિસ્ટમાં હવે મુકેશ અંબાણીની પત્ની નીતા અંબાણીનું નામ પણ આવી ગયુ છે. ગૌરી ખાને અંબાણીના ઘર એન્ટીલિયાને ડિઝાઇન કર્યુ છે અને તેનો અનુભવ ખાસ રહ્યો.
જી હા, શાહરૂખ ખાનની પત્ની ગૌરીએ એન્ટિલિયામાં એક બાર લાઉન્જ તૈયાર કર્યો છે. ગૌરીએ પોતાના ઑફિશ્યલ સોશ્યલ મીડિયા એક ફોટો શૅર કર્યો છે જેમાં તે નીતી અંબાણીની સાથે સોફા પર બેઠેલી જોવા મળી રહી છે.
ગૌરીએ નીતા અંબાણી સાથે શૅર કરેલા ફોટામાં કેપ્શન આપ્યુ છે કે, ''એન્ટીલિયાની આ જગ્યા પર કામ કરવાનો અનુભવ ખાસ રહ્યો. આ અમારા ટોપ પ્રોજેક્ટમાંથી એક હતો. ડિઝાઇનિંગમાં નીતા અંબાણીનો રસ અને નોલેજની સાથે કામ કરવાનો અનુભવ સારો રહ્યો.'' આ સાથે તેણે પોતાની કંપની ગૌરી ખાન ડિઝાઇન્સ, એન્ટિલિયા, બાર લાઉન્જ જેવા હૈશટેગ પણ લગાવ્યા.
ગૌરીએ શૅર કરેલા ફોટોમાં નીટા અંબાણી લેસ ટોપ અને ડેનિમ્સ સાથે તો ગૌરી પોલકા ડ્રેસમાં જોવા મળી રહ્યા છે. શાહરૂખની પત્ની ગૌરીનું ડિઝાઇનિંગ ઇન્ડસ્ટ્રીમાં મોટું નામ છે. તેણે જેક્લિન, સિદ્ઘાર્થ મલ્હોત્રા, કરણ જોહર તેમજ રણબીર કપૂર સહિતના સેલેબ્સ સાથે કામ કર્યુ છે.જોકે હવે આ લિસ્ટમાં મુકેશ અંબાણીનું ઘર પણ શામેલ થઇ ગયુ છે. એન્ટિલિયા સાઉથ મુંબઇમાં આવેલુ છે જેમાં મુકેશ અંબાણી પોતાના પૂરા પરિવાર સાથે રહે છે.
આ સિવાય તાજેતરમાં ગૌરી ખાને ઇન્સ્ટાગ્રામ એકાઉન્ટ પર દિકરા અબરામ અને કરણ જોહરના બાળકો યશ અને રૂહીની ફોટો શૅર કરી હતી. શાહરૂખની સાથે સાથે કરણ અને ગૌરી પણ સારા મિત્રો છે. ગૌરીએ ફોટો શૅર કરતા કેપ્શન લખ્યુ કે, ''Spending time with the three musketeers ❤️''