ભાવવધારો / ઑક્ટોબર શરૂ થતાં જ મોંઘવારીનો ફટકો, ગેસ સિલિન્ડર સહિત CNG-PNG માં ભાવ વધ્યો

હજુ તો ઓકટોબર મહિનાની શરૂઆત થઈ છે ત્યાં જ સામાન્ય માણસના પેટે પથ્થર વાગવાનું શરૂ થઈ ગયું છે. કેટલીક જીવન જરૂરી ચીજો જેમ કે રાંધણગેસ અને ઈંધણ સહિતના ભાવ આસમાને પહોંચી રહ્યા છે અને આજથી ફરી વધારો ઝીંકાયો છે. 

ઓક્ટોબરના પહેલા જ દિવસે પેટ્રોલિયમ કંપનીઓ દ્વારા ઝટકો આપવામાં આવ્યો છે. 

કમર્શિયલ ગેસ સિલિન્ડરના ભાવ

કમર્શિયલ સિલિન્ડરના ભાવમાં 43.5 રૂપિયાનો વધારો થયો છે. જેના કારણે રેસ્ટોરન્ટ્સ અને ઢાબાઓ પર મોંઘવારીનો માર ઝીંકાય તેવી સંભાવના છે. 

અગાઉ જે કમર્શિયલ સિલિન્ડર 1693 રૂપિયાંમાં દિલ્હીમાં મળતા હતા તે હવે 1736.5 રૂપિયાંમાં મળશે. 

ઘરેલુ ગેસ સિલિન્ડરના ભાવમાં જો કે કોઈ વધારો નથી થયો જેનાથી થોડી રાહત મળી છે. છેલ્લે પેલી સપ્ટેમ્બરથી 25 રૂપિયા ભાવ વધ્યા હતા માટે આ મહિને કોઈ ભાવવધારો થયો નથી જે થોડી રાહતની વાત છે પણ સામે CNG અને PNG ના ભાવ પણ વધ્યા હતા. 

CNG અને PNG ના ભાવ
આજથી હવે મોટા શહેરોમાં CNG અને PNG ના ભાવ પણ વધવાના કારણે બમણો માર પડશે. સરકારે નેચરલ ગેસના ભાવ 62% ભાવ વધારો ઝીંકયો હોવાથી શહેરોમા CNG અને PNG ના ભાવમાં જંગી વધારો થાય તેવી સંભાવના છે. 

ગુરુવારે સરકારે નેચરલ ગેસની કિંમતમાં 62 ટકા વધારાની જાહેરાત કરી હતી જેનો ઉપયોગ ફર્ટિલાઇઝર, વીજળી ઉત્પાદનમાં થાય છે અને આ નિર્ણય બાદ CNG અને PNG ના ભાવમાં પણ વધારો થશે એવી અટકળો છે. 

એપ્રિલ 2019 બાદ કિંમતમાં આ પહેલી વૃદ્ધિ છે. આંતરરાષ્ટ્રીય બજારમાં ભાવ વધારાના કારણે ગેસના ભાવ વધ્યા છે અને પેટ્રોલિયમ પ્લાનિંગ એન્ડ એનાલિસિસ સેલ દ્વારા કહેવામાં આવ્યું હતુઃ કે પબ્લિક સેક્ટરની ઓઇલ એન્ડ નેચરલ ગેસ કોર્પોરેશન (ONGC) જેવી કંપનીઓના નામાંકનના આધારે પહેલી ઓકટોબરથી છ મહિના માટે નેચરલ ગેસની કિંમત 2.90 ડોલર/ 10 લાખ બ્રિટિશ થર્મલ યુનિટ હશે.   

રિલાયન્સને કેટલી કિંમત મળશે?
ઊંડા સમુદ્રમાંથી કાઢવામાં આવતી વિભિન્ન પ્રકારની ગેસનના ભાવ 3.62 ડોલર પ્રતિ mmBtu થી વધીને 6.13 ડોલર થઈ ગયો હતો. રિલાયન્સ ઇન્ડસ્ટ્રીઝને KG-D6 જેવા ઊંડા સમુદ્રમાંથી કાઢવામાં આવતા ગેસ માટે મળનારી સૌથી વધુ કિંમત હશે. દિલ્હી મુંબઈ જેવા શહેરોમાં CNG અને પાઇપથી આવતી પીએનજી જેવા રાંધણ કેસની કિંમતમાં પણ 10 થી 11% ભાવવધારો થઈ શકે છે.