લોકસભા / ગુજરાતની 26 બેઠકો માટેની આખરી યાદી તૈયાર, દિલ્હી હાઇકમાન્ડને સોંપશે

ઉલ્લેખનીય છે કે, હોળી પછી ભાજપના નેતાઓ દિલ્હી જઈને આ યાદી હાઈકમાન્ડને સોંપશે. તો અન્ય રાજ્યની પણ તબક્કાવાર યાદી મંગાવવામાં આવી છે. મુખ્યમંત્રી પણ હોળી પછી દિલ્હી જાય તેવી સંભાવના છે.

દિલ્હી ખાતે પણ યોજાઇ 
દિલ્હી ભાજપ હેડક્વાર્ટર ખાતે ભાજપની ચૂંટણી સમિતિની બેઠક યોજાઈ. પાંચ કલાકથી પણ વધુ સમય સુધી આ બેઠક યોજાઈ હતી. તો આ બેઠકમાં છત્તીસગઢ અને રાજસ્થાનના ઉમેદવારોને લઈને ભારે ચર્ચા વિચારણા થઈ.

આ બેઠકમાં એવો પણ નિર્ણય લેવામાં આવ્યો કે છત્તીસગઢમાં ભાજપ તમામ 11 સીટો પર ઉમેદવારોને ઉતારશે. મહત્વની વાત તો એ છે કે, છત્તીસગઢમાં તમામ 11 સીટો પર નવા ઉમેદવારોને ભાજપ ટિકિટ આપશે. ત્યારે હાલના કાર્યરત તમામ સાંસદોની ટિકિટ કપાઈ છે. હવે જોવાનુ એ રહ્યુ કે ભાજપ પોતાના ઉમેદવારોની યાદીમાં કોને સ્થાન આપશે. તો કાર્યરત તમામ સાંસદોની ટિકિટ કપાતા ભાજપના સાંસદોમાં પણ રોષ સામે આવ્યો છે.