ગાંધીનગર: CM રૂપાણીના અધ્યક્ષ સ્થાને આજે કેબિનેટ બેઠક વિવિધ મુદ્દે થશે ચર્ચા

ગાંધીનગર: આજે મુખ્યમંત્રી વિજય રૂપાણીના અધ્યક્ષ સ્થાને કેબિનેટની બેઠક મળશે. જેમાં નીતિવિષયક અને વહીવટી મુદ્દાઓની અંગે ચર્ચા કરવામાં આવશે.

આ ઉપરાંત સ્ટેચ્યુ ઓફ યુનિટીના ગુજરાતમાં PM મોદીના કાર્યક્રમોની તૈયારી વાયબ્રન્ટ ગુજરાત સમિટની તૈયારી અને અછત અને અર્ધ અછતગ્રસ્ત વિસ્તારોની સ્થિતિની સમીક્ષા કરાશે. સ્વાઇન ફ્લૂ સહિતના રોગચાળાની સ્થિતિ મુદ્દે પણ ચર્ચા કરવામાં આવશે.

આપને જણાવી દઇએ કે દરેક માસના બુધવારે ગુજરાત સરકાર અને કેન્દ્ર સરકારની એક કેબિનેટ બેઠકનું આયોજન કરવામાં આવતું હોય છે. જેના અધ્યક્ષ સ્થાને રાજ્યના મુખ્યમંત્રી અને કેન્દ્ર કક્ષાએ વડાપ્રધાન હોય છે.

ત્યારે આજરોજ ગાંધીનગરના સ્વર્ણિમ સંકુલ ખાતે યોજાનાર રૂપાણી સરકારની કેબિનેટ બેઠકમાં વિવિધ મુદ્દે ચર્ચા કરવામાં આવશે.

તો આગામી સમયમાં ગુજરાતની ઓળખ સમાન વાઇબ્રન્ટ ગુજરાત સમિટનું આયોજન કરવામાં આવનાર છે ત્યારે આ મુદ્દે સરકારે અત્યારથી જ કામગીરી શરૂ કરી છે. જેને અનુસંધાને આજે યોજાનારી કેબિનેટ બેઠકમાં ચર્ચા કરવામાં આવશે.