VIDEO: પૂર્વ MLAના ભત્રીજાની 'વીડિયો ક્લિપ' મામલે મહિલાની ધરપકડ

By : kavan 05:33 PM, 11 June 2018 | Updated : 05:40 PM, 11 June 2018
કચ્છ: અબડાસાના પૂર્વ ધારાસભ્ય જયંતી ભાનુશાળીના ભત્રીજા સુનિલ ભાનુશાળી પાસેથી મનિષા નામની મહિલાએ 10 કરોડ રૂપિયાની માગ કરી હતી. ત્યારે હવે G ડિવીઝન પોલીસે વાપીથી મનીષાની ધરપકડ કરી છે.

મહત્વનું છે કે, અમદાવાદના નરોડા વિસ્તારના વેપારી સુનિલ ભાનુશાળીની અશ્લીલ ક્લીપ બનાવીને મનીષા ગોસ્વામીએ ખંડણીની માગ કરી હતી. મહિલાએ સુનિલ ભાનુશાળી પાસેથી 10 કરોડ રૂપિયાની માગ કરી હતી. આ મામલે નરોડા પોલીસ સ્ટેશનમાં ગુનો નોંધવામાં આવ્યો હતો. 



આ ઘટના અંગે મળતી વિગત અનુસાર થોડા સમય પહેલા અબડાસાના પૂર્વ ધારાસભ્ય જયંતી ભાનુશાળીના ભત્રીજાની કઢંગી હાલતમાં ક્લિપ ઉતારીને ૨૫ લાખ રૂપિયાની ખંડણી વસૂલવામાં આવી હોવાની પોલીસ ફરિયાદ નોંધાતા ખળભળાટ મચી ગયો છે.

જો કે આ ઘટના અંગેની ફરિયાદ સુનિલ ભાનુશાળીએ નરોડા પોલીસ સ્ટેશને નોંધાવતા પોલીસે તપાસ હાથ ધરી હતી અને જેમાં આ સમગ્ર કાંડમાં સંડોવાયેલ મનિષા નામની એક મહિલાની પોલીસે ધરપકડ કરીને કાયદેસરની કાર્યવાહી કરી હતી. આપને જણાવી દઇએ કે, આ ઘટના સમયે તેવી પણ ચર્ચાઓ થવા પામી હતી કે પૂર્વ ધારાસભ્ય પોતે ફસાય છે કે તેમનો ભત્રીજો..? પરંતુ ત્યારબાદ સત્ય સામે આવેલ કે પૂર્વ ધારાસભ્ય ભાનુશાળીનો ભત્રીજો ફસાયો હતો.



Recent Story

Popular Story