સ્પોર્ટ્સ / કાલથી ઓસ્ટ્રેલિયામાં ક્રિકેટની વાપસીઃ  માત્ર ૫૦૦ દર્શકોની હાજરીમાં મૅચ રમાશે

• ક્રિકેટનો શુભારંભ
• કોરોના નિયમો સાથે રમી શકાશે ક્રિકેટ

.

નોર્ધન ટેરિટરી ક્રિકેટના મુખ્ય કાર્યકારી જોએલ મોરિસને જણાવ્યું, ''રમતમાં આવેલા અભૂતપૂર્વ વિઘ્ન બાદ હવે ક્રિકેટની વાપસીનો જશ્ન મનાવવાની આ સોનેરી તક છે. છેલ્લા કેટલાક મહિના દુનિયાભરમાં મુશ્કેલ બની રહ્યા છે. આશા છે કે, આ ટૂર્નામેન્ટ દ્વારા ક્રિકેટ પ્રેમીઓને ખુશી મનાવવાની તક મળશે. ટૂર્નામેન્ટ દરમિયાન ગાઇડલાઇન્સનું ચુસ્તપણે પાલન કરાશે. મૅચમાં બોલ ચમકાવવા માટે ખેલાડીઓ થૂકનો ઉપયોગ કરી શકશે નહીં.''

ટૂર્નામેન્ટમાં ડાર્વિન પ્રીમિયર ગ્રેડની સાત ક્લબ અને એક આમંત્રિત ટીમ હશે, જેમાં નોર્ધન ટેરિટરીની એશિયા કપ સ્પર્ધાના સર્વશ્રેષ્ઠ ખેલાડી સામેલ હશે. કોરોનાને કારણે ગત તા. ૧૩ માર્ચે ઓસ્ટ્રેલિયા અને ન્યૂઝીલેન્ડ વચ્ચે અંતિમ આંતરરાષ્ટ્રીય મેચ રમાઈ હતી. ત્યાર બાદથી ક્રિકેટની રમત દુનિયાભરમાં બંધ છે.

ઉલ્લેખનીય છે કે, આ વર્ષે ઓસ્ટ્રેલિયામાં ૧૮ ઓક્ટોબરથી ૧૫ નવેમ્બર દરમિયાન ટી-૨૦ વર્લ્ડકપ રમાવાનો છે. આ વર્લ્ડકપ રમાશે કે કેમ તે હજુ નક્કી નથી. આ અંગે ICC 10 જૂને નિર્ણય કરવાની છે.  હાલ આ સ્થાનિક ટૂર્નામેન્ટને આંતરરાષ્ટ્રીય ક્રિકેટની વાપસી માટે એક પ્રયોગના રૂપે જોવામાં આવી રહી છે.