નવા નિયમો / હવે સરકારી બાબુઓએ પણ કરવો પડશે સંપત્તિનો ખુલાસો, લોકપાલ કાયદા હેઠળ ટુંક સમયમાં જ નિયમ લાવી રહી છે સરકાર

• કેન્દ્ર સરકારના કર્મચારીઓ માટે બનશે નવા નિયમો 
• સંપત્તિ અને જવાબદારીઓની વિગતો ફાઇલ કરવાનો બનશે કાનુન
• સરકાર આ સંબંધમાં નવા ફોર્મેટ અને નવા નિયમોને વહેલી તકે લાવશે

લોકપાલ અધિનિયમ હેઠળ કેન્દ્ર સરકારના કર્મચારીઓ માટે સંપત્તિ અને જવાબદારીઓની વિગતો ફાઇલ કરવા સંબંધિત નવા નિયમો હજી સુધી સૂચિત કરવામાં આવ્યા નથી. આ માહિતી ડિપાર્ટમેન્ટ ઓફ પર્સોનલ એન્ડ ટ્રેનિંગ (DoPT) દ્વારા આપવામાં આવી છે. વિવિધ સેવા નિયમો હેઠળ, કર્મચારીઓ તેમની સંપત્તિ અને જવાબદારીઓ જાહેર કરે છે અને લોકપાલ એક્ટ હેઠળ, તેઓએ આ વિગતો પણ જાહેર કરવાની રહેશે. લોકપાલ અને લોકાયુક્ત અધિનિયમ, 2013 હેઠળ સૂચિત નિયમો અનુસાર, દરેક જાહેર સેવક માટે કલમ 44 હેઠળ દર વર્ષે 31 માર્ચ સુધીમાં અથવા 31 જુલાઈ પહેલાં તેની સંપત્તિની વિગતો દાખલ કરવી ફરજિયાત છે.

નવા નિયમો લાવશે સરકાર
2014 માં આ માહિતી ફાઇલ કરવાની છેલ્લી તારીખ 15 સપ્ટેમ્બર હતી. અનેક વખત ડેડલાઇનને આગળ વધાર્યા બાદ ડીઓપીટીએ 1 ડિસેમ્બર, 2016ના રોજ સમયમર્યાદા અનિશ્ચિત સમય માટે લંબાવી હતી અને કહ્યું હતું કે સરકાર આ સંબંધમાં નવા ફોર્મેટ અને નવા નિયમોને આખરી ઓપ આપી રહી છે.

6 વર્ષ બાદ પણ નથી બન્યા નિયમો 
6 વર્ષ બાદ પણ સરકારે નવા નિયમોને નોટિફાઇ નથી કર્યા. ડીઓપીટીએ એક આરટીઆઈ અરજીના જવાબમાં જણાવ્યું હતું કે, "લોકપાલ અધિનિયમની કલમ 44 ની સુધારેલી જોગવાઈઓ અનુસાર, ફોર્મ સૂચવવા અને ઘોષણા દાખલ કરવાની રીત માટેના નવા નિયમોને હજી સુધી સૂચિત કરવાના બાકી છે."

હાલ જાહેર સેવકોએ સંપતિની જાણકારી દેવી મરજિયાત
ડીઓપીટીના 2016 ના આદેશમાં કહેવામાં આવ્યું છે કે જાહેર સેવકોએ "હમણાં" સંપત્તિ અને જવાબદારીઓની ઘોષણાઓ ફાઇલ કરવાની જરૂર નથી. આ આદેશ મુજબ હવેથી તમામ જાહેર સેવકોએ નવા નિયમો હેઠળ ડિક્લેરેશન ફાઇલ કરવાનું રહેશે.

8 સભ્યોની ટીમમાં બે સભ્યોની જગ્યા બે વર્ષથી ખાલી
કાયદો પસાર થયાના છ વર્ષ પછી અસ્તિત્વમાં આવ્યો હતો અને ન્યાયાધીશ પિપાનીચંદ્ર ઘોષને માર્ચ 2019 માં તેના પ્રથમ અધ્યક્ષ તરીકે નિયુક્ત કરવામાં આવ્યા હતા. જસ્ટિસ ઘોસનો કાર્યકાળ મે 2022માં પૂરો થયો હતો. આ કારણે લોકપાલ લગભગ ચાર મહિનાથી પોતાના નિયમિત પ્રમુખ વગર કામ કરી રહ્યું છે. હાલ લોકપાલમાં છ સભ્યો છે, જ્યારે મંજૂર થયેલી સંખ્યા આઠ છે. ન્યાયિક સભ્યોની બે જગ્યાઓ લગભગ બે વર્ષથી ખાલી છે.