રાજકોટ / એકના 3 ગણા રૂપિયા મેળવવાની લાલચ આ લોકોને પડી ભારે, 'લગ્ન સહાય યોજના'ના નામે મોટી છેતરપિંડી

• રાજકોટમાં લગ્ન સહાય યોજનાના નામે છેતરપિંડી
• રિયલ ફ્રેન્ડ ફાઉન્ડેશન સંસ્થાએ આચરી છેતરપિંડી
• છેતરપિંડી આચરી સંસ્થાના સંચાલકો ફરાર

રાજકોટમાં છેતરપિંડીની એક ચોંકાવનારી ઘટના સામે આવી છે. પ્રાથમિક વિગતો મુજબ લગ્ન સહાય યોજના માં ભાગ લેનારા લોકો સાથે છેતરપિંડી થઈ હોવાનું ખૂલ્યું છે. જેમાં રિયલ ફ્રેન્ડ ફાઉન્ડેશન નામની સંસ્થાએ તમામ લોકો સાથે છેતરપિંડી કરી હતી. રિયલ ફ્રેન્ડ ફાઉન્ડેશન માં નામ નોંધવા સમયે લોકો પાસેથી 25 હજાર રૂપિયા લેવાયા હતા. જે લગ્ન બાદ રૂપિયા 25 હજારના 1 લાખ રૂપિયા આપવા સંસ્થાએ વાયદો આપ્યો હતો. જોકે તે પૈસા નહીં મળતા લોકો છેતરાયા હોવાનું સામે આવ્યાની સાથે જ હવે કંપનીના સંચાલકો ફરાર થઇ ગયા છે. 

આપણા રોજિંદા જીવનમાં અવાર-નવાર છેતરપિંડીની ઘટનાઓ સામે આવતી હોય છે. જોકે રાજકોટમાં તો રિયલ ફ્રેન્ડ ફાઉન્ડેશન નામની સંસ્થાએ લગ્ન સહાય યોજના ના નામે એકની ત્રણ ગણી રકમ પાછી આપવાની લાલચ આપી છેતરપિંડી કર્યાનું સામે આવ્યું છે. જેમાં પ્રથમ લોકોને ફોસલાવી રિયલ ફ્રેન્ડ ફાઉન્ડેશન ના સભ્ય બનવાના નામે પૈસા પડાવી તેના ત્રણ ગણા પૈસા પાછા આપવાનું કહ્યું હતું. જોકે બાદમાં પૈસા પરત નહીં મળતા લોકોને છેતરાયાનું ભાન થયું હતું. 

શું છે સમગ્ર મામલો ? 
રાજકોટમાં રિયલ ફ્રેન્ડ ફાઉન્ડેશન નામની સંસ્થાએ છેતરપિંડી કર્યાનું સામે આવતા હડકંપ મચી ગયો છે. વાત જાણે એમ છે કે, રિયલ ફ્રેન્ડ ફાઉન્ડેશન નામની સંસ્થાના હરેશ ડોબરીયા નામના ઇસમે 2019માં લગ્ન સહાય યોજના નામની યોજના શરૂ કરી હતી. જેમાં રિયલ ફ્રેન્ડ ફાઉન્ડેશન માં નામ નોંધવા સમયે લોકો પાસેથી 25 હજાર લેવાયા હતા. જે વાયદા મુજબ લગ્ન બાદ રૂપિયા 25 હજારના 1 લાખ રૂપિયા સંસ્થાએ આપવાના હતા. 

અમુકને પૈસા આપી લોકોનો વિશ્વાસ જીત્યો 
રિયલ ફ્રેન્ડ ફાઉન્ડેશન નામની સંસ્થાએ પોતાની આ યોજનામાં લોકોને વિશ્વાસ આવે એટલે એક પેંતરો રચ્યો હતો. જે મુજબ સંસ્થા દ્વારા 25 હજાર રૂપિયા ભરનારા અમુક વ્યક્તિઓને નક્કી કરેલ રકમ આપી હતી. જેથી અન્ય લોકોને પણ તેમની આ યોજનામાં વિશ્વાસ આવે. જોકે અચાનક લોકો જોડે પૈસા ઉઘરાવી આ સંસ્થાના સંચાલકો ફરાર થયાનું સામે આવ્યું છે.