ટીમ ઈન્ડિયાના પૂર્વ દિગ્ગજ ક્રિકેટર વિનોદ કાંબલી પર તેની પત્નીએ ગંભીર આરોપો લગાવ્યા છે. વિનોદ કાંબલીની પત્નીએ પોલીસ સ્ટેશનમાં ફરિયાદ કર્યા બાદ પોલીસે કાર્યવાહીની ખાતરી આપી છે.
પૂર્વ દિગ્ગજ ક્રિકેટરે પત્નીના માથે મારી કઢાઈ
વિનોદ કાંબલી વિરુદ્ધ તેની પત્નીએ નોંધાવી ફરિયાદ
મુંબઈના બ્રાંદ્રા પોલીસ સ્ટેશનમાં ફરિયાદ દાખલ
ટીમ ઈન્ડિયાના પૂર્વ ક્રિકેટર વિનોદ કાંબલીની મુશ્કેલીઓ વધી ગઈ છે. વિનોદ કાંબલી પર નશાની હાલતમાં પત્ની સાથે મારપીટ કરવાનો આરોપ લાગ્યો છે. વિનોદ કાંબલીની પત્ની એન્ડ્રિયાએ તેની વિરુદ્ધ પોલીસ સ્ટેશનમાં ફરિયાદ કરી છે, જેના આધારે પોલીસે FIR નોંધી છે. વિનોદ કાંબલીની પત્નીના આરોપ મુજબ, પતિએ માર મારતા તે ઈજાગ્રસ્ત થઈ હતી. તેને માથામાં ઈજા થઈ હતી. પતિ વિનોદ કાંબલીએ તેના માથા પર કઢાઈ મારી હતી. આ સિવાય વિનોદ કાંબલી પર ગાળાગળી કરવાનો આરોપ પણ તેની પત્નિ એન્ડ્રિયાએ લગાવ્યો છે. પોલીસે આ મામલે તપાસ અને કાર્યવાહીની ખાતરી આપી છે.
બ્રાંદ્રા પોલીસે વિનોદ કાંબલી વિરુદ્ધ નોંધી FIR
મુંબઈની બાંદ્રા પોલીસે ભારતના પૂર્વ ક્રિકેટર વિનોદ કાંબલી વિરુદ્ધ FIR નોંધી છે. બાંદ્રા પોલીસે વિનોદ કાંબલીની પત્ની એન્ડ્રિયાના નિવેદનના આધારે આઈપીસીની કલમ 324 અને 504 હેઠળ કેસ નોંધ્યો છે. આરોપો અનુસાર, શુક્રવારે બપોરે વિનોદ કાંબલી નશાની હાલતમાં તેના બાંદ્રા ફ્લેટ પર પહોંચ્યો હતો અને તેની પત્ની સાથે દુર્વ્યવહાર કર્યો હતો. સાથે જ રસોડામાંથી કઢાઈ લાવી પત્નીને મારી હતી, જેના કારણે એન્ડ્રિયાના માથામાં ઈજા થઈ હતી.
કાંબલીની પત્નીને માથામાં ઈજા
બાંદ્રા પોલીસના એક અધિકારીએ જણાવ્યું કે, પોલીસ પાસે આવતા પહેલા વિનોદ કાંબલીની પત્નીએ મુંબઈની ભાભા હોસ્પિટલમાં તેની સારવાર કરાવી હતી. તેને માથામાં ઈજા થઈ હતી. હાલ પોલીસ આ સમગ્ર મામલાની તપાસમાં લાગેલી છે.
પત્ની એન્ડ્રીયાએ જણાવી આપવીતી
પૂર્વ ક્રિકેટર વિનોદ કાંબલીની પત્ની એન્ડ્રિયાએ જણાવ્યું કે જ્યારે તેનો પતિ ફ્લેટ પર પહોંચ્યો ત્યારે તે નશામાં હતો. પછી તે તેમની સાથે દુર્વ્યવહાર કરવા લાગ્યો હતો. ખૂબ સમજાવવા છતાં તે અટક્યો નહીં. આ પછી તેણે કઢાઈથી હુમલો કર્યો હતો.