ઉજ્જૈન હુમલા કેસ / મધ્યપ્રદેશના પૂર્વ મુખ્યમંત્રી દિગ્વિજય સિંહને 1 વર્ષની સજા, ઇન્દોરની કોર્ટે આપ્યો ચુકાદો

• પૂર્વ મુખ્યમંત્રી દિગ્વિજય સિંહને 1 વર્ષની સજા
• 11 વર્ષ જૂના કેસમાં ઇન્દોરની કોર્ટે આપ્યો ચુકાદો
• હું હાઈકોર્ટમાં અપીલ કરીશ: દિગ્વિજયસિંહ

વર્ષ 2011માં ઉજ્જૈનમાં થયેલી મારામારીની ઘટના મામલે ઇન્દોરની વિશેષ કોર્ટે આજે પૂર્વ મુખ્યમંત્રી અને કોંગ્રેસના વરિષ્ઠ નેતા અને રાજ્યસભાના સભ્ય દિગ્વિજયસિંહ, પૂર્વ સાંસદ પ્રેમચંદ ગુડ્ડૂ સહિત 6 આરોપીઓને 1-1 વર્ષની જેલની સજા સંભળાવી છે. કોર્ટે આની સાથે જ 5-5 હજારનો દંડ પણ લગાવ્યો છે.

મધ્યપ્રદેશના પૂર્વ મુખ્યમંત્રી દિગ્વિજય સિંહે આ મામલે કહ્યું કે, આ 10 વર્ષ જૂનો કેસ છે જેમાં મારું નામ FIRમાં પણ નહોતું, પરંતુ રાજકીય દબાણ હેઠળ બાદમાં ઉમેરવામાં આવ્યું હતું. હું હાઈકોર્ટમાં અપીલ કરીશ.

Madhya Pradesh | Former CM Digvijay Singh sentenced to one year by Indore District Court in Ujjain assault case

"This is a 10-year-old case in which my name was not even in the FIR, but was added later under political pressure. I will appeal in the High Court" he said pic.twitter.com/Klaru6lCB8

— ANI MP/CG/Rajasthan (@ANI_MP_CG_RJ) March 26, 2022

વર્ષ 2011માં કોંગ્રેસના એક કાર્યક્રમમાં સામેલ થવા જતા સમયે પૂર્વ મુખ્યમંત્રી દિગ્વિજયસિંહ, તત્કાલિન ઉજ્જૈન સાંસદ પ્રેમચંદ ગુડ્ડૂ અને સાત અન્ય લોકોનો વિવાદ ભાજપના કાર્યકર્તાઓ સાથે થઇ ગયો હતો. આ મામલે ભાજપ કાર્યકર્તાઓએ દિગ્વિજયસિંહ, પ્રેમચંદ ગુડ્ડૂ સહિત 9 આરોપીઓ વિરૂદ્ધ અલગ અલગ કલમોમાં કેસ દાખલ કરાયો હતો.

જનપ્રતિનિધિઓની સુનાવણી માટે રચાયેલી વિશેષ કોર્ટ ઇન્દોરમાં આજે આ મામલે મધ્યપ્રદેશના પૂર્વ મુખ્યમંત્રી દિગ્વિજયસિંહ, પૂર્વ સાંસદ પ્રેમચંદ ગુડ્ડૂ સહિત 6 આરોપીઓને સજા સંભળાવવામાં આવી, જ્યારે 3 આરોપીઓને પૂરાવાના અભાવમાં કોર્ટે નિર્દોષ જાહેર કરી દીધા. પૂર્વ મુખ્યમંત્રી દિગ્વિજય સિંહ, પ્રેમચંદ ગુડ્ડૂ સહિત તમામ છ આરોપીઓને કોર્ટમાં પાંચ પાંચ હજારનો દંડ ભરાવીને 25-25 હજારના જામીન આપી દીધા.