વોટ્સએપમાં એક નવા ફીચરની એન્ટ્રી થઈ છે. તેનું નામ ડુ નોટ ડિસ્ટર્બ મોડ છે. આ ફીચરના આવવાથી યુઝર્સને ડુ નોટ ડિસ્ટર્બ સેટિંગના ઓન થવાથી મિસ થયેલા કોલને ઓળખવામાં સરળતા રહેશે. આવો જાણીએ તેના વિશે ડિટેલ્સમાં
વોટ્સએપમાં આવી રહ્યું છે નવુ ફિચર
ડુ નોટ ડિસ્ટર્બ મોડ કરી શકાશે ઓન
જાણો તેનાથી તમને શું થશે ફાયદો
WhatsAppએ વિશ્વભરના લાખો યુઝર્સ માટે સૌથી વધુ પસંદગીનું ઇન્સ્ટન્ટ મેસેજિંગ પ્લેટફોર્મ છે. અહીં યુઝર્સ ફોટા અને વીડિયો શેર કરે છે તેમજ વોઈસ અને વીડિયો કોલિંગ દ્વારા તેમના મિત્રો અને પરિવાર સાથે કનેક્ટ થઈ શકે છે. યુઝર્સના એપ એક્સપીરિયન્સને યોગ્ય બનાવવા માટે કંપની સતત નવા ફીચર્સ લાવતી રહે છે.
હવે આ એપિસોડમાં Do Not Disturb APIની એન્ટ્રી કરવામાં આવી છે. આ ફીચરની મદદથી યુઝર્સ માટે એ સમજવામાં સરળતા રહેશે કે તેઓ તેમની ડુ નોટ ડિસ્ટર્બ સેટિંગ્સને કારણે કોલ મિસ કરી ગયા છે. WABetaInfoએ ટ્વિટ કરીને વોટ્સએપમાં આ નવા ફીચર વિશે જાણકારી આપી હતી. વોટ્સએપના આ નવા ફીચરનો સ્ક્રીનશોટ પણ ટ્વીટમાં શેર કરવામાં આવ્યો છે.
સેટિંગ્સમાં જઈને કરો એક્ટિવેટ
તમે ફોનના સેટિંગમાં જઈને આ ફીચરને એક્ટિવેટ કરી શકો છો. આ પછી તમારા કોઈ મિત્ર અથવા પરિવારના સભ્યોને થોડી સેકંડ માટે તમને WhatsApp પર કૉલ કરવા માટે કહો. કોલ મિસ થયા પછી, જો તમને 'Silenced by Do Not Disturb' લેબલ દેખાય છે.
તો તમે સમજી જશો કે તમારા ફોન પર આ ફીચર એક્ટિવેટ થઈ ગયું છે. કંપની હાલમાં આ ફીચર બીટા યુઝર્સ માટે રોલઆઉટ કરી રહી છે. આગામી દિવસોમાં તેનું સ્ટેબલ વર્ઝન પણ બહાર પાડવામાં આવી શકે છે.
ગ્રુપ ચેટ્સ માટે એક નવુ ફિચર
વોટ્સએપ બીટા યુઝર્સ માટે ગ્રુપ ચેટનું એક નવું ફિચર રોલઆઉટ કરી રહ્યું છે. આ ફિચર જ્યારે મેંબર વાળા ગ્રુપ્સને ચેટ નોટિફિકેશન્સને ઓટોમેટિકલી ઓફ કરી દે છે. અમુક દિવસ પહેલા કંપનીએ ગ્રુપમાં 1024 મેમ્બર્સને જોડતા ફિચરને રિલીઝ કર્યું હતું.
જ્યાર બાદ મોટા ગ્રુપ્સ માટે નોટિફિકેશનને ઓટોમેટિકલી મ્યૂટ કરનાર ફિચરને રોલઆઉટ કરવાની તૈયારી ઝડપી કરી દેવામાં આવી હતી. આશા રાખવામાં આવી રહી છે કે આવનાર દિવસોમાં કંપની આ ફિચરને સ્ટેબર વર્ઝન ગ્લોબલ યુઝર્સ માટે રોલઆઉટ કરી દેશે.