તમારા કામનું / સસ્તામાં કરો મુસાફરી! દિવાળી વેકેશનમાં ફરવા જવાનો પ્લાન હોય તો આ રીતે બુક કરો ટિકિટ્સ, થશે ફાયદો

• વેકેશનમાં ફરવા જતી વખતે ધ્યાનમાં રાખો આ વાત
• ટિકિટ બુક કરવા પર આ ટિપ્સ કરો ફોલો 
• સસ્તામાં થઈ જશે ટિકિટ બુક 

આજકાલ લોકો મોટી સંખ્યામાં ફ્લાઇટમાં મુસાફરી કરવા લાગ્યા છે. પરંતુ કેટલીકવાર ટિકિટ એટલી મોંઘી હોય છે કે લોકો તેમના વેકેશનના પ્લાન કેન્સલ કરી દે છે. જો તમે પણ સસ્તી ફ્લાઈટ ટિકિટ મેળવવા ઈચ્છો છો તો અમે તમને તેના માટે સિમ્પલ સ્ટેપ્સ જણાવીએ. 

47 દિવસ પહેલા કરાવો ટિકિટ બુક 
તમને જણાવી દઈએ કે સર્વેમાં જાણવા મળ્યું છે કે યાત્રાથી 47 દિવસ એટલે કે 2થી 3 મહિના પહેલા ફ્લાઈટની બુકિંગ કરવા પર તમને ખૂબ જ સસ્તામાં ટિકિટ મળે છે. તેનાથી તમારે વધારે પૈસાની બચત થાય છે. જેમ જેમ યાત્રાની તારીખ નજીક આવે છે તેમ ટિકિટ મોંઘી થઈ જાય છે.  

મોર્નિંગ કે લેટ નાઈટ ફ્લાઈટ પડશે સસ્તી 
જો તમે મોડી રાત અને સવારની ફ્લાઈટ્સ બુક કરો છો, તો તમને સસ્તી ટિકિટ મળે છે. સાથે જ દિવસ દરમિયાન ફ્લાઇટનો રેટ વધતો જાય છે. 

શુક્રવારે અને સોમવારે ન કરાવો ટિકિટ બુક 
ધ્યાનમાં રાખો કે જ્યારે તમે ફ્લાઇટ ટિકિટ બુક કરી રહ્યાં હોવ, ત્યારે વિકેન્ડના એક દિવસ પહેલા અને પછી ટિકિટ બુક ન કરવાનો પ્રયાસ કરો. વિક એન્ડ પર યાત્રા કરવા માટે લોકો શુક્રવાર અને સોમવારે સૌથી વધારે યાત્રા કરે છે. આવી સ્થિતિમાં પ્રયાસ કરો કે તમે વીક ડે પર યાત્રા કરો. 

ક્રેડિટ કાર્ડથી કરો પેમેન્ટ 
ઘણા બેન્ક આજકાલ ફ્લાઈટ બુકિંગ માટે ઘણા પ્રકારની ઓફર્સ આપી રહી છે. જો તમે વધારે કેશબેક અથવા ડિસ્કાઉન્ટનો લાભ મેળવવા માંગો છો તો બેન્કના ઓફર્સનું ધ્યાન રાખતા ક્રેડિટ કાર્ડથી પેમેન્ટ કરી શકો છો. 

ઓફ પીકમાં કરો ટ્રાવેલ 
પ્રયત્ન કરો કે તમે ઓફ પીકમાં ટ્રાવેલ કરો. તહેવારની સીઝનમાં ફ્લાઈટ બુકિંગ પર તમને વધારે પૈસા આપવા પડી શકે છે. એવામાં તમે ઓફ સીઝનમાં ફ્લાઈટથી યાત્રા કરો. 

નોન-રિફંડેબલ બુકિંગ 
આ સાથે જ તમે નોન-રિફંડેબલ ટિકિટ બુક કરો. તેની સાથે જ એવું પણ જોવા મળે છે કે વન વે ટ્રિપથી રાઉન્ડ ટ્રિપ ટિકિટ બુકિંગ ખૂબ જ સસ્તી હોય છે. અલગ અલગ ટિકિટ બુકિંગ કરવાની તુલનામાં રાઉન્ડ ટ્રિપમાં બુકિંગ કરવા પર આ તમને ખૂબ જ સસ્તુ પડે છે.