બેસ્ટ ટિપ્સ / હાથના નખ પીળા અને ખરાબ થઈ ગયા હોય તો માત્ર આ 3 કામ કરી લો, એકદમ ચોખ્ખા થઈ જશે નખ

• નખનું ધ્યાન રાખવું છે જરૂરી
• ખોટી આદતોને કારણે નખ થઈ જાય છે ખરાબ
• પાર્લર ગયા વિના કરો આ કામ

લીંબુ

વિટામિન સીથી ભરપૂર લીંબુમાં બ્લીચિંગ એજન્ટ હોય છે. તેની છાલને નખ પર ઘસો. આ સિવાય ગરમ પાણીમાં 1 ચમચી લીંબુનો રસ મિક્સ કરી 15 મિનિટ હાથ તેમાં ડુબાડી દો. પછી ફાઈલરથી નખ સાફ કરીને કોઈ ક્રીમ લગાવી દો. તમારા નખ સાફ થશે અને પીળા નહીં રહે. 

ટૂથપેસ્ટ

થોડી ટૂથપેસ્ટ લઈને તેને નખ પર લગાવી હળવા હાથે 5 મિનિટ મસાજ કરો. પછી તેને પાણીથી સાફ કરી લો. ટૂથપેસ્ટમાં રહેલાં તત્વો નખને ક્લિન અને વ્હાઈટ કરશે. 

બેકિંગ સોડા

નખને સાફ કરવા માટે બેકિંગ સોડા જાદુની જેમ કામ કરે છે. તેમાં રહેલાં તત્વો નખને ક્લિન, સફેદ અને હેલ્ધી રાખે છે. તેના માટે 1 ચમચી બેકિંગ સોડામાં 1 ચમચી લીંબુનો રસ મિક્સ કરી દો. પછી 5 મિનિટ નખ પર લગાવીને રહેવા દો. પછી પાણીથી નખ સાફ કરી લો. આ ઉપાય સપ્તાહમાં 3 વાર કરવાથી પીળા અને ખરાબ નખની સમસ્યા દૂર થશે.