ચૂંટણી / 25 વર્ષ બાદ એક મંચ પર સપા-બસપા, માયાવતી અને અખિલેશની આજે સભા

ભાજપ સામે બનેલા મહાગઠબંધનની પશ્ચિમી યૂપીમાં પહેલી ચૂંટણી સભા આજે યોજાશે. સપા, બસપા અને આરએલડીના દિગ્ગજ નેતાઓ એક મંચ પરથી ચૂંટણી પ્રચાર કરશે. યૂપીના દેવબંદમા યોજનાર રેલીમાં સપા પ્રમુખ અખિલેશ યાદવ, બસપા પ્રમુખ માયાવતી અને આરએલડીના અજીતસિંહ હાજર રહેશે. 
મહત્વનું છે કે બસપા અને સપાએ ગઠબંધન કર્યું છે અને મંચ પર પણ આવ્યા પરંતુ અત્યાર સુધીમાં સંયુક્ત જનસભાને સંબોધિત નથી કરી. આ નેતાઓ પ્રથમ સંયુક્ત ચૂંટણી સભા રવિવારે દેવબંધ સહારનપુરમાં કરશે, જ્યાં પ્રથમ તબક્કાનું મતદાન થશે. પશ્ચિમી યૂપીની આઠ સીટો પર પહેલા તબક્કાનું મતદાન 11 એપ્રિલે યોજાશે.
જેને લઇ રાજકીય પક્ષોએ પોતાની પૂરી તાકાત લગાવી દીધી છે. ભાજપે પણ સહારનપુર, મેરઠ, મુઝફ્ફરનગર, બાગપત, બિજનૌર, ગાઝિયાબાદ અને ગૌતમબુદ્ધનગરમાં એક બાદ એક રેલીઓ કરી છે. ત્યારે એસપી, બીએસપી અને આરએલડી પણ આજે એક સાથે ચૂંટણી પ્રચાર કરશે.