હાઈકોર્ટે અરજી ફગાવ્યા બાદ હાર્દિક પટેલની આવી પ્રથમ પ્રતિક્રિયા, જાણો શું કહ્યું?

અમદાવાદ : ગુજરાત હાઇકોર્ટે હાર્દિક પટેલના કેસને લઇને તેની અરજીને ફગાવતા ગુજરાતના રાજકારણમાં ગરમાવો ફેલાઇ જવા પામ્યો હતો. જો કે, આ મામલે હાર્દિકે પોતાના સત્તાવાર ટ્વીટર એકાઉન્ટ પર ટ્વીટ કરીને કહ્યું હતું કે, અમે ડરવાના નથી.
 

हम डरने वाले नहीं हैं। सत्य, अहिंसा और ईमानदारी से आम जनता की आवाज उठाते रहेंगे। जनता की सेवक कोंग्रेस पार्टी की सरकार बनाएंगे। पार्टी के लिए गुजरात समेत पूरे देश में प्रचार करूंगा। मेरा कसूर सिर्फ इतना है कि मैं भाजपा के सामने झुका नहीं। सत्ता के सामने लडने का यह परिणाम हैं।

— Hardik Patel (@HardikPatel_) March 29, 2019

જનતાનું જોરદાર સમર્થન લઇને કોંગ્રેસ સરકાર બનાવીશું. આ સાથે તેણે વધુમાં લખ્યું હતું કે, સત્ય અને અહિંસાથી જનતાનો અવાજ ઉઠાવતા રહીશું. મારો વાંક માત્ર એટલો હતો કે હું ભાજપ સામે ઝૂક્યો નહી.

મનસુખ માંડવિયાની પ્રતિક્રિયા
કેન્દ્રિય મંત્રી મનસુખ માંડવિયાએ હાર્દિક મામલે નિવેદન કર્યુ હતું અને જણાવ્યું હતું કે કોંગ્રેસની નૈયા ડુબી ગઇ છે. હાર્દિક પટેલના સથવારે કોંગ્રેસ પોતાનું અસ્તિત્વ ટકાવી રાખવા મથી રહી છે. હાર્દિકને ચૂંટણી લડતા ભાજપે રોક્યા નથી. 
 

#BJP તંદુરસ્ત રાજનીતિમાં માને છે, ભાજપને પોતાની કામગીરી અને નીતિઓ પર ભરોશો છે#Congress બંધારણીય સંસ્થાનું અપમાન કરી રહી છેઃ માંડવિયા, કોર્ટમાં દરેક વ્યક્તિ પોતાની દલીલો કરી શકે છેઃ @mansukhmandviya pic.twitter.com/e6gKQfv2qV

— VTV Gujarati News (@VtvGujarati) March 29, 2019

હાર્દિક સામે કોર્ટે ચુકાદા આપ્યો છે. કોંગ્રેસ હાઇકોર્ટના નિર્ણય સામે વાંધો ઉઠાવી રહી છે. ભાજપ તંદુરસ્ત રાજનીતિમાં માને છે. ભાજપને પોતાની કામગીરી અને નીતિઓ પર ભરોસો છે. કોંગ્રેસ બંધારણીય સંસ્થાનું અપમાન કરી રહી છે. કોર્ટમાં દરેક વ્યક્તિ પોતાની દલીલો કરી શકે છે.

હાર્દિક પટેલ નહીં લડી શકે લોકસભા
પાટીદાર નેતા હાર્દિક પટેલ આગામી લોકસભાની ચૂંટણી લડવાનું સ્વપ્ન હાલ પુરતુ રોળાયું છે. ગુજરાત હાઇકોર્ટે હાર્દિક પટેલના કેસને લઇને તેની અરજીને ફગાવતા લોકસભા ચૂંટણી લડી નહીં શકે તેમ કહી શકાય. આજે ગુજરાત હાઇકોર્ટમાં વિસનગર ધારાસભ્યની ઓફિસમાં તોડફોડના કેસ મામલે ગુજરાત હાઇકોર્ટે બંન્ને પક્ષોની દલીલ સાંભળીને પોતાનો ચુકાદો આપ્યો હતો. 



ઉલ્લેખનીય છે કે વિસનગરમાં ધારાસભ્યની ઓફિસમાં તોડફોડ કરવાનાં કેસમાં વિસનગરની કોર્ટે હાર્દિકને કરેલી સજા સામે તેને હાઈકોર્ટમાં અપીલ કરી હતી જેને હાઇકોર્ટે ફગાવી હતી. હાર્દિકે આ અરજીમાં લોકસભાની ચૂંટણી લડવાની મંજૂરી માગી હતી. આ સાથે જ હાઇકોર્ટે કહ્યું હતું કે, આ મામલે નીચલી કોર્ટના નિર્ણય અમાન્ય ન ગણી શકાય. અત્રે જણાવી દઇએ કે, કોંગ્રેસી નેતા હાર્દિક પટેલ માટે સુપ્રીમ કોર્ટનો વિકલ્પ ખુલ્લો છે. 

હાર્દિક પાસે હવે શું છે વિકલ્પ ?