પાકિસ્તાન: કરાચીમાં ચીન દૂતાવાસ પર આતંકી હુમલો બેનાં મોત ત્રણ ઘાયલ

પાકિસ્તાનના કરાચીમાં આવેલી ચીનના દૂતાવાસ પાસે એક મોટો બ્લાસ્ટ અને બાદમાં ફાયરિંગની ઘટના બની છે. પ્રાપ્ત વિગતો મુજબ બ્લાસ્ટ બાદ હુમલાખોરો અને સુરક્ષાબળ વચ્ચે અથડામણ થઈ છે. બને તરફથી ફાયરિંગ થઈ રહ્યું છે.

આ બ્લાસ્ટ અને ફાયરિંગમાં બે પોલીસકર્મીના મોત થયા છે અને  બે લોકો ઈજાગ્રસ્ત થયા છે. બ્લાસ્ટ કરાચીના ક્લિપટોનમાં થયો છે.

તો હુમલાખોરો દૂતાવાસના ધાબા પર પણ ચઢી ગયા હોવાનુ સામે આવ્યું છે. ત્યારે પોલીસે અને સુરક્ષાબળે સમગ્ર વિસ્તારને ઘેરીને હુમલાખોરો સામે કાર્યવાહી હાથ ધરી છે.

ઉલ્લેખનીય છે કે પાકિસ્તાનના કરાચીના ક્લિફટન વિસ્તારમાં આવેલ ચીનના દૂતાવાસ નજીક ફાયરિંગ અને બ્લાસ્ટના અહેવાલ પ્રાપ્ત થઇ રહ્યાં છે.

એક પોલીસ અધિકારીના જણાવ્યા અનુસાર આ હૂમલામાં દૂતાવાસની સુરક્ષામાં તૈનાત બે પોલીસકર્મીઓના મોત નિપજ્યાં છે જ્યારે અન્ય ત્રણ ઘાયલ થયા છે.  ઇજાગ્રસ્ત પોલીસ જવાનોને જિન્ના હોસ્પિટલમાં સારવાર અર્થે ખસેડવામાં આવ્યાં છે.

જો કે પોલીસ દ્વારા જણાવામાં આવ્યું છે કે હુમલાખોરની સંખ્યા ત્રણથી વધારે છે અને તેમના પાસે પૂરતી માત્રામાં હથિયાર હોય તેવુ લાગી રહ્યું છે.

સ્થાનિક લોકો દ્વારા જણાવવામાં આવ્યું કે ત્રણ થી ચાર લોકો ચીનના દૂતાવાસમાં અંદર જવાનો પ્રયત્ન કર્યો હતો અને ત્યાર બાદ બ્લાસ્ટ થયો અને ફાયરિંગ શરૂ થઇ ગયું હતું.

જો કે બ્લાસ્ટ અને ફાયરિંગની જાણકારી મળતાં સ્થાનિક પોલીસ ઘટનાસ્થળે પહોંચી ગઇ હતી. દૂતાવાસ તરફ જઇ રહેલા તમામ રસ્તાઓને બંધ કરી દેવામાં આવ્યાં છે.