અમદાવાદમાં આજે આગ લાગી હતી. ફાયબ્રિગેડની 3 જેટલી ગાડીઓ ઘટના સ્થળે દોડી આવી હતી પરંતુ આગ પર કાબુ મેળવી શકાયો ન હતો. આગ ઓલવવા માટે હાલ પ્રયાસો શરૂ છે. સુરત અને વલસાડમાં પણ ભીષણ આગ લાગી હતી.
અમદાવાદ LIC ઓફીસમાં લાગી આગ
અંકુર ચાર રસ્તા નજીક LIC ઓફીસમાં લાગી આગ
સર્વર રૂમમાં શોર્ટ સર્કિટ થતાં લાગી આગ
અમદાવાદ અંકુર ચાર રસ્તા નજીક LIC ઓફીસમાં અચાનક આગ લાગી હતી. સર્વર ઓફિરસમાં શોર્ટ સર્કિટના કારણે આગ લાગી હોવાનું સામે આવ્યું છે. ઘટનાની જાણ થતાં ફાયર બ્રિગેડની ત્રણ ગાડી ઘટનાસ્થળે પહોંચી હતી અને આગ બુઝાવવા માટેની કવાયત હાથ ધરી હતી.
વલસાડમાં ગેસની પાઈપ લાઈનમાં આગ
વલસાડના સરીગામે ગેસની પાઈપ લાઈનમાં આગ લાગવાની દૂર્ઘટના સામે આવી છે. વરસાદી પાણીના નિકાલ માટે ગટરની કામગીરી વખતે ઘટના બની છે. ગેસની પાઈપ લાઈનમાં ભંગાણ થતા આગ લાગી છે. આગ લાગતા ગેસ પુરવઠો બંધ કરી આગ પર કાબૂ મેળવાયો છે. સદનસીબે કોઈ જાનહાનિ કે ઇજા થઈ નથી.
ગઈકાલે સુરતમાં લાગી હતી આગ
સુરતના સચિન વિસ્તારમાં આવેલી GIDCમાં આગ લાગવાની ઘટના બની છે. ડાયમંડ ઝોનમાં આવેલી આકાશ પ્લાસ્ટિકની ફેક્ટરીમાં આગ લાગવાની ઘટના બની છે. ફાયરની 3 ટીમોએ ઘટનાસ્થળે પહોચીને આગ ઓલવવાની કામગીરી હાથ ધરી છે. હજૂ પણ આ આગ લાગવાનું કરણ જાણી શકાયું નથી.