સમગ્ર ચિતાર / ગુજરાતની 6 મનપાનું જાણો વિગતવાર પરિણામ, કોને કેટલી મળી બેઠકો, કયા વોર્ડમાં કોણ જીત્યું

• ગુજરાતમાં 6 મનપામાં ભાજપની પ્રચંડ જીત 
• શહેરી વિસ્તારમાં ભાજપ પર વિશ્વાસ અકબંધ  
• અમદાવાદ, સુરત, રાજકોટ, વડોદરામાં ભાજપનો ભવ્ય વિજય

ગુજરાતની સ્થાનિક સ્વરાજની ચૂંટણીમાં 6 મનપામાં ભાજપની પ્રચંડ જીત નોંધાઈ છે. શહેરી વિસ્તારમાં ભાજપ પર જનતાનો વિશ્વાસ અકબંધ છે. અમદાવાદ, સુરત, રાજકોટ, વડોદરામાં ભાજપનો ભવ્ય વિજય જોવા મળ્યો છે. તો જામનગર અને ભાવનગરમાં પણ ભાજપની નોંધપાત્ર જીત થઈ છે. 

આ સાથે સુરત મનપામાં AAPની એન્ટ્રી થઈ ચૂકી છે. સુરતમાં AAPને  27 સીટ ઉપર વિજય પ્રાપ્ત થયો છે. સુરતમાં કોંગ્રેસ એક બેઠક પણ જીતી શકી નથી. સુરતની જનતાએ કોંગ્રેસ કરતા AAP પર વિશ્વાસ મુક્યો તે સ્પષ્ટ થઈ ગયું છે. સુરતમાં કુલ 120 માંથી ભાજપની 93 સીટ અને AAPને 27 બેઠક પર જીત મળી છે.

ભાવનગરમાં ભાજપે ઈતિહાસ રચ્યો

ગુજરાતના ભાવનગરમાં ભારતીય જનતા પાર્ટીએ 44 બેઠકો જીતીને ઇતિહાસ સર્જ્યો છે, આ પહેલા ભાજપે જ વર્ષ 2010માં 41 બેઠક પર જીત મેળવી હતી. ભાવનગરમાં ભાજપે ઇતિહાસની સૌથી વધુ બેઠકો જીતવાનો રેકોર્ડ બનાવી લીધો છે. આ પહેલા વર્ષ 2010માં ભાજપે સૌથી વધુ 41 બેઠક જીતી હતી. જે બાદ હવે વર્ષ 2021માં ભાજપે સૌથી વધુ 44 બેઠક મેળવીને ઇતિહાસ સર્જ્યો છે. નોંધનીય છે કે ભાવનગરમાં કોંગ્રેસનો રકાસ નીકળી ગયો હતો. કોંગ્રેસ ભાવનગરમાં ડબલ ડિજીટમાં પણ ન પહોંચી શકી. શહેર કોંગ્રેસ પ્રમુખ પ્રકાશ વાઘાણીનીએ હારની જવાબદારી સ્વીકારીને રાજીનામું આપ્યું છે. 

ગુજરાત PM મોદી અને શાહનો ગઢ તે ફરી સાબિત થયું: CM રૂપાણી

ગુજરાતની 6 મનપાની ચૂંટણીના અત્યાર સુધીના પરિણામથી ભાજપની સાર્વત્રિક જીત થઈ છે. જો કે, સુરતના માર્ગથી AAPની ગુજરાતમાં એન્ટ્રી થઈ ચૂકી છે. પરંતુ જોવામાં આવે તો, કોંગ્રેસની તમામ જગ્યાએ હાર થઈ છે. ભાજપની જીતની સાથે મુખ્યપ્રધાન વિજય રૂપાણીએ Tweet કરી દીધી છે. અને ગુજરાત હજુ પણ ભાજપનો ગઢ હોવાની વાત કરી છે. 

અરવિંદ કેજરીવાલે ગુજરાતના લોકોને અભિનંદન આપ્યા

સુરત મનપામાં ભાજપનો ફરી પ્રવેશ થઈ ગયો છે. પરંતુ ભાજપ માટે આ વખતે વિરોધી પક્ષ તરીકે કોંગ્રેસ નહીં પણ આમ આદમી પાર્ટી છે. ગુજરાતમાં સુરતના રસ્તેથી રાજનીતિની શરૂઆત કરનાર આમ આદમી પાર્ટીએ સુરતવાસીઓને કહ્યું Thank You...સુરતમાં સવારથી ભાજપ સાથે આમ આદમી પાર્ટીની પેનલ પણ વિજય પ્રાપ્તી તરફ આગળ વધી રહી હતી. જો કે, સી.આર પાટીલનો ગઢ કહેવાતા સુરતમાં અંતે ભાજપે પોતાનું અસ્તિત્વ કાયમ રાખ્યું છે. સુરતમાં AAPના કાર્યકરોએ કેક કાપીને ઉજવણી કરી છે. સુરત મનપામાં AAPને 27 બેઠક મળી છે.

नई राजनीति की शुरुआत करने के लिए गुजरात के लोगों को दिल से बधाई।

— Arvind Kejriwal (@ArvindKejriwal) February 23, 2021