કોમોડિટી / ધનતેરસ પર સોના-ચાંદીની ખરીદીમાં 50 % જેટલો થઇ શકે છે ઘટાડો, જાણો શું છે કારણ

• સોના-ચાંદીની ખરીદીમાં થયો ઘટાડો 
• ધનતેરસે 50 ટકા ખરીદીમાં ઘટી શકે 

મહેતાએ ખાનગી ન્યૂઝ એજન્સી સાથે વાતચીત કરતા જણાવ્યું હતું કે ઉંચા ભાવોની ઓછી માંગ અને આયાત ડ્યુટીમાં વધારાને લીધે ગત મહિને સપ્ટેમ્બરમાં સોનાની આયાત ઘટીને 26 ટન થઈ ગઈ છે, જે ગયા વર્ષના સમાન મહિનામાં ભારત દ્વારા આયાત કરવામાં આવેલી 81.71 ટનની તુલના હતી. 

સોનાની આયાતમાં થયો ઘટાડો 

આ રીતે ગયા વર્ષેની તુલનામાં આ વર્ષે સપ્ટેમ્બરમાં સોનાની આયાતમાં 68.18 ટકાનો ઘટાડો થયો છે. સોનાની આયાતમાં ઘટાડો થવાનું કારણ પૂછાતાં મહેતાએ કહ્યું હતું કે સરકારે આયાત ડ્યુટી વધારી દીધી, જેનાથી સોનાની આયાત મોંઘી થઈ. આ સાથે જ ચાલુ વર્ષે જુલાઈમાં સામાન્ય બજેટમાં ખર્ચાળ ધાતુઓની આયાત ડ્યૂટી 10 ટકાથી વધારીને 12.5 ટકા કરવામાં આવી છે.

ગત વર્ષની સરખામણીએ ભાવ ઉંચા 

મહેતાએ ઉમેર્યું કે, "સોનામાં ત્રણ પ્રકારની માંગ છે, પ્રથમ, લગ્નની સિઝન માંગ. બીજું, તહેવાર દરમિયાન માંગ અને ત્રીજી નિયમિત માંગ. બજારમાં લિક્વિડિટીના અભાવને કારણે, નિયમિત માંગની સ્થિતિ પહેલાથી જ ખરાબ છે, જ્યારે ભાવ વધારે હોવાને કારણે લોકો રોકાણથી પણ ડરતા હોય છે. 

આ સિવાય તહેવારની માંગ પણ નબળી પડી રહી છે. " જો કે કેડિયા એડવાઇઝરીના ડિરેક્ટર અજય કેડિયાને આશા છે કે તહેવારની માંગમાં ચોક્કસ સુધારો થશે. પરંતુ પાછલા વર્ષોની જેમ આ વર્ષે પણ સોના-ચાંદીની ઉત્સવની માંગ નહીં થાય, કારણ કે હજી પણ ભાવ ખૂબ જ વધારે છે.