મહિલાઓને દરેક વખતે રોમિયોનો સામનો કરવો પડે છે. ખાસ કરીને પબ્લિક ટ્રાન્સપોર્ટમાં મહિલાઓની આ સમસ્યા વધી જાય છે. બ્રાઝીલમાં બસમાં પ્રવાસ કરનારી એક મહિલા સાથે આવુ જ કંઈક થયુ. પરંતુ ત્યારબાદ મહિલાએ રોમિયોની જે હાલત કરી છે, તે ખરેખર વખાણવાલાયક છે.
બ્રાઝીલમાં રોમિયોએ મહિલા બોક્સરની કરી છેડતી
મહિલાએ બોકસરને માર્યો મુક્કો અને પછી પકડ્યો
બસમાં કોઈ મુસાફરે મદદ કરી નહીં: મહિલા બોક્સર
રોમિયોએ મહિલાની કરી છેડતી
મહિલાએ આરોપી યુવકને બોધપાઠ ભણાવ્યો અને બસના ડ્રાઈવરને બસ પોલીસ સ્ટેશન લઇ જવા મજબુર કર્યો હતો. એક રિપોર્ટ મુજબ, આરોપી શખ્સને આવી ખબર પણ નહીં હોય કે જેની તે છેડતી કરી રહ્યો છે, તે મહિલા થાઈ બોક્સર છે. મહિલા જ્યારે જીમમાંથી પોતાના ઘરે આવી રહી હતી ત્યારે આ છેડતીની ઘટના બની હતી. બસમાં પ્રવાસ દરમ્યાન રોમિયો ભીડનો ફાયદો ઉઠાવીને મહિલા સાથે અશ્લિલ ચેનચાળા કરવા લાગ્યો હતો. થોડો સમય મહિલા શાંત રહીં પરંતુ પછી માથા પરથી પાણી જતા મહિલાએ રોમિયોને બોધપાઠ શિખવાડવાનો નિર્ણય કર્યો.
પહેલા રોમિયોને મુક્કો માર્યો અને પછી પકડી લીધો
બોકસરે પહેલાં રોમિયોને એક મુક્કો માર્યો અને પછી ગળેથી પકડીને તેને પોતાના સકંજામાં લઈ લીધો. આરોપીની હાલત ખરાબ થઇ ગઇ. થોડી મિનિટોમાં રોમિયો જમીન પર પડી ગયો. સૌથી વધુ ચોંકાવનારી બાબત એ છે કે જ્યારે રોમિયો મહિલાની છેડતી કરી રહ્યો હતો ત્યારે બસમાં રહેલા કોઈ પણ મુસાફરે આ હરકતનો વિરોધ કર્યો ન હતો.
રોમિયોને પહેલાં પણ શિખવાડ્યો છે બોધપાઠ
રોમિયોને માર્યા બાદ મહિલાએ ડ્રાઈવરને બસને નજીકના પોલીસ સ્ટેશન લઇ જવાનું જણાવ્યું. પોલીસે જણાવ્યું કે રોમિયો મહિલાની પાછળ ઉભો હતો અને વારંવાર પોતાનું પ્રાઈવેટ પાર્ટ મહિલાને અડાવી રહ્યો હતો. પીડિતાએ જણાવ્યું કે બસમાં રહેલા કોઈ પણ વ્યક્તિએ તેની મદદ કરી ન હતી. બસમાં રહેલા મુસાફરો વીડિયો બનાવવામાં વ્યસ્ત રહ્યાં. બોક્સર મુજબ, પહેલાં પણ બસમાં તેની સાથે આવી ઘટના થઇ છે ત્યારે પણ તેણે રોમિયોને મુક્કો મારી તેનું નાક તોડી નાખ્યુ હતુ.