દિલ્હી પોલીસ આયુક્ત એસએન શ્રી વાસ્તવ સમયપુર બાદલી પોલીસ સ્ટેશનમાં ફરજ બજાવતા મહિલા હેડ કોન્સ્ટેબલ સીમા ઢાકાને વારા પહેલા પ્રમોશન (આઉટ ઓફ ટર્ન પ્રમોશન) આપ્યુ છે. હેડ કોન્સ્ટેબલ સીમા ઢાકાએ અઢી મહિનામાં 76 ગુમ બાળકોને શોધી તેના પરિવારને સોંપ્યા છે.
સીમાએ જેમને શોધ્યા છે તે અલગ અલગ પોલીસ સ્ટેશનમાંથી મિસિંગ હતા
બાળકોને શોધવા પર આઉટ ઓફ ટર્ન પ્રમોશન આપવામાં આવ્યું
સીમાએ અઢી મહિનામાં 76 ગુમ બાળકોને શોધી તેના પરિવારને સોંપ્યા
સીમા ઢાસા દિલ્હી પોલીસમાં પહેલી એવી પોલીસ કર્મી બની છે જેણે ગુમ બાળકોને શોધવા પર આઉટ ઓફ ટર્ન પ્રમોશન આપવામાં આવ્યું છે. તેના વારા પહેલા તે હેડ કોન્સ્ટેબલમાંથી એએસઆઈ બન્યા છે. પોલીસ બેડામાં તેમના ખૂબ વખાણ થઈ રહ્યા છે.
દિલ્હી પોલીસ પ્રવક્તા ડો. ઈર્શ સિંઘલે જણાવ્યું કે સીમાએ જે 76 ગુમ બાળકોને શોધ્યા છે. તેમાંથી 56 બાળકો 14 વર્ષથી ઓછી ઉંમરના છે. સીમાએ દિલ્હીમાંથી ગુમ બાળકોને પંજાબ અને પ. બંગાળમાંથી શોધ્યા છે.
દિલ્હી પોલીસ આયુક્ત સહિત અન્ય પોલીસ કર્મીઓએ માન્યું છે કે આ રીતે વારા પહેલાના પ્રમોશનથી અન્ય પોલીસકર્મીનો ઉત્સાહ વધશે અને વધારે બાળકોને શોધી શકાશે. આયુક્તે 5 ઓગસ્ટે ગુમ થયેલા બાળકોને શોધવા પર પહેલા પ્રમોશન અને પુરસ્કાર આપવાની જાહેરાત પણ કરી હતી. આ અંતર્ગત જે સિપાઈ કે હવાલદાર 14 વર્ષથી ઓછી ઉંમરના 50થી વધારે બાળકોને શોધશે તેમને પ્રમોશન આપવામાં આવશે. તેમજ ઓછામાં ઓછા 15 વર્ષના બાળકોને શોધશે તેમને પુરસ્કાર આપવામાં આવશે. દિલ્હી પોલીસે ઓગસ્ટ સુધી 1440 બાળકોને શોધ્યા છે. સીમાએ જેમને શોધ્યા છે તે અલગ અલગ પોલીસ સ્ટેશનમાંથી મિસિંગ હતા.