નિવેદન / વિદેશીઓ દેશની સંપત્તિ ઝૂંટી ન શકે તે માટે મોદી સરકારે કર્યું આ કામ, ગડકરીના નિવેદન પર શરદ પવાર 'ફીદા'

• કેન્દ્રીય રોડ મિનિસ્ટર નીતિન ગડકરીનું નિવેદન 
• વિદેશીઓ દેશની સંપત્તિ ઝૂંટવી ન જાય તે માટે રોડની યોજના ઘટાડી
• વિદેશીઓ આપણી સંપત્તિના માલિક ન બનવા જોઈએ

કેન્દ્રીય મંત્રી ગડકરીએ જણાવ્યું કે દેશમાં વિદેશી પેન્શન અને ઈશ્યોરન્સ ફંડ્સ વતી રસ્તાઓ ખરીદવાની આશંકાને ઘટાડાઈ રહી છે તેને માટે મોદી સરકારે મોનેટાઈઝેશન યોજના હેઠળ રોડ પ્રોજેક્ટનુ કદ ઘટાડી દીધું છે. તેમણે કહ્યું કે વિદેશી ફંડ્સ પાસે ભરપૂર માત્રામાં પૈસા હોય છે અને બીજા માર્કેટમાં ઘણું ઓછું વળતર આપે છે તેથી તેઓ ભારતમાં પૈસા રોકવા લલચાતા હોય છે અને સરકાર નથી ઈચ્છતી કે વિદેશી આપણી સંપત્તિના માલિક બની જાય. 

આકાર ઘટાડીને 500 કરોડ રુપિયા કર્યો
ગડકરીએ એવું પણ જણાવ્યું કે વિદેશીઓ આપણા દેશની સંપત્તિ ઝૂંટવી ન જાય તે માટે કેન્દ્ર સરકારે યોજનાનું કદ 5,000 કરોડથી ઘટાડીને 500 કરોડ રુપિયા કરી દીધું છે. 

સત્તાનો ઉપયોગ કેવી રીતે કરવો તે ગડકરીએ શીખવ્યું 

એનસીપી ચીફ શરદ પવારે નીતિન ગડકરીના વખાણ કરતા જણાવ્યું કે જ્યારે ગડકરીની યોજનાઓની વાત આવે ત્યારે સમારોહના થોડા દિવસની અંદર જ કામ શરુ થઈ જાય છે. ગડકરી કોઈ જનપ્રતિનિધિના દેશના વિકાસ માટે કામ કરવાનું મોટું ઉદાહરણ છે. પવારે કહ્યું કે સત્તાનો ઉપયોગ કેવી રીતે કરવો તે ગડકરીએ અમને શીખવ્યું છે. પવારે એવું પણ કહ્યું કે મને યાદ તે પ્રમાણે, ગડકરી રોડ મિનિસ્ટર બન્યા તે પહેલા લગભગ 5,000 કિમીના રસ્તાનું કામ પૂર્ણ થયું હતું. પરંતુ તેમના મંત્રી બન્યા બાદ આ આંકડો 5,000 કિમીથી વધીને 12,000 કિમી સુધી પહોંચ્યો છે.