અમેરિકાના ફૂડ એન્ડ ડ્રગ્સ એડમિનિસ્ટ્રેશન દ્વારા એક ચેતવણી આપીને કહેવામાં આવ્યું છે કે કોરોના વાયરસના ટેસ્ટનો રિપોર્ટ ખોટો પણ હોઈ શકે છે. કારણ કે લેબની કિટ, ઉપકરણો અને કોમ્પ્યુટર સોફ્ટવેરમાં અચૂક પરિણામ આપવાની ક્ષમતા નથી એટલે કે તે રિપોર્ટ ખોટો પણ આવી શકે છે.
થર્મો ફિશર્સ ટેકપેથ જેનેટિક ટેસ્ટ પર ઉઠ્યા સવાલ
લેબ અને ઉપકરણો અને સોફ્ટવેરમાં ગરબડના કારણે આવી શકે ખોટા રિપોર્ટ
મહિના પહેલા 90 નેગેટિવ લોકોનો ટેસ્ટ રિપોર્ટ આવ્યો હતો પોઝિટિવ
જે તબીબો અને લેબ દ્વારા Thermo Fisher’s TaqPath genetic test એટલે થર્મો ફિશર્સ ટેકપેથ જેનેટિક ટેસ્ટનો ઉપયોગ કરવામાં આવો રહ્યો છે તે બધાને FDA દ્વારા સૂચના આપવામાં આવી છે કે તે અચૂક નથી અને સાચા પરિણામો આપી રહ્યું નથી.
બ્લૂમબર્ગના એક અહેવાલ અનુસાર થર્મો ફિશર્સ ટેકપેથ જેનેટિક ટેસ્ટની લેબ અને ઉપકરણોમાં ગરબડ છે જેના કારણે રિપોર્ટ ખોટા આવે છે. FDAએ આ ટેસ્ટ બનાવતી કંપનીને ખામીઓ દૂર કરવાના આદેશ આપ્યા છે. નોંધનીય છે કે એક મહિના પહેલા પબ્લિક હેલ્થ ઓફિસરોને 90 લોકોએ ફરિયાદ કરી હતી કે તેમને ખોટી રિપોર્ટ મળી રહી છે. આ બધાને કોરોના પોઝિટિવ દર્શાવવામાં આવ્યા હતા પરંતુ તે બધા જ નેગેટિવ હતા. આ ઘટના બધા ખામીઓ છતી થઇ હતી.
Potential accuracy issues with a widely used coronavirus test could lead to false results for patients, AP reports https://t.co/qDLryLZOS7
Thermo Fisher’s TaqPath genetic testને બનાવતી કંપનીના પ્રવક્તાએ કહ્યું કે અમે FDA અનુસાર જ ટેસ્ટની તપાસ કરી રહ્યા છે પરંતુ લોકોએ જો અમારા પ્રોડક્ટનો ઉપયોગ કરવો હોય તો અમારા નિર્દેશોનું પાલન કરવું જ પડશે તો જ સાચા પરિણામો સામે આવશે.
FDAએ કહ્યું કે હોઈ શકે કે લેબમાં બેસતા તબીબને આ ટેસ્ટને ઓપરેટ કરતા આવડતું ન હોય અને તેના કારણે રિપોર્ટ ખોટા આવતા હોય. નોંધનીય છે કે આ ટેસ્ટ સાથે બીજો પણ એક મુદ્દો એ છે કે તેના સોફ્ટવેરમાં ગરબડ છે. આ કારણથી પણ કોરોના ટેસ્ટના પરિણામો ખોટા આવી શકે છે. FDA દ્વારા તાત્કાલિક સીસ્ટમમાં સોફ્ટવેર અપગ્રેડ કરવાના આદેશ આપવામાં આવ્યા છે.