વેસ્ટ વસ્તુમાંથી બેસ્ટ વસ્તુ બનાવવાના સમાચારો અવારનવાર આપણી સામે આવે છે. આ વખતે આંધ્રપ્રદેશના ગુંટૂર જિલ્લાના તેનાલી નગરના બે કલાકારોએ આ પરાક્રમ કર્યું છે.
આંધ્રપ્રદેશના બાપ-દીકરાનું અનોખું પરાક્રમ
લોખંડના વેસ્ટમાંથી બનાવ્યું PM મોદીનું સ્ટેચ્યૂ
વિશ્વ રેકોર્ડમાં નોંધાયું છે નામ
આ બંને કલાકારોએ લોખંડના ભંગારમાંથી પીએમ મોદીની 14 ફૂટ ઊંચી પ્રતિમા બનાવી છે. આ બંને કલાકારો પિતા અને પુત્ર છે. પિતાનું નામ કટુરી વેંકટેશ્વર રાવ અને પુત્રનું નામ રવિચંદ્ર છે. બંને તેનાલી નગરમાં 'સૂર્ય શિલ્પશાળા' ચલાવે છે.
મૂર્તિ અને સ્કલ્પચર બનાવવા માટે પ્રખ્યાત
પિતા અને પુત્રની જોડી મૂર્તિ અને સ્કલ્પચર બનાવવા માટે પ્રખ્યાત છે. બંને બેકાર સામગ્રી, સ્ક્રેપ આયર્ન, ખાસ કરીને નટ અને બોલ્ટનો ઉપયોગ કરીને તેમના આર્ટવર્ક બનાવે છે. કટુરી વેંકટેશ્વર રાવે કહ્યું કે લોખંડના શિલ્પો બનાવવાના ક્ષેત્રમાં અમે આંતરરાષ્ટ્રીય માન્યતા છે. તેમણે કહ્યું કે છેલ્લા 12 વર્ષમાં અમે 100 ટન આયર્ન સ્ક્રેપનો ઉપયોગ કરીને કલાકૃતિઓ બનાવી છે. રાવે કહ્યું કે તેમણે સિંગાપોર, મલેશિયા અને હોંગકોંગ જેવા દેશોમાં પણ પ્રદર્શન કર્યું છે.
વિશ્વ રેકોર્ડમાં નોંધાયું છે નામ
વેંકટેશ્વર રાવે જણાવ્યું હતું કે, તાજેતરમાં તેમણે 75000 નટનો ઉપયોગ કરતા 10 ફૂટ ઊંચું મહાત્મા ગાઁધીનું સ્કલ્પચર બનાવ્યું હતું. આ પોતે જ એક રેકોર્ડ છે. આ જોયા બાદ બેંગલૂરુની એક સંસ્થાએ અમારી પાસે પ્રધાનમંત્રી નરેન્દ્ર મોદીનું સ્ટેચ્યૂ બનાવવાની વાત કહી હતી. રાવના જણાવ્યા પ્રમાણે, PM મોદીનું સ્ટેચ્યૂ બનાવવા માટે 2 મહિનાનો સમય લાગ્યો છે. આ બનાવવા માટે વેસ્ટ મટિરિયલનો ઉપયોગ કરવામાં આવ્યો છે.