એસ્પીરન્ટ / દીકરાને IAS બનાવવા માટે પિતાએ જમીન વેચી દીધી, 15 વર્ષે લક્ષ્ય હાંસલ કરીને જ ઘરે ગયો ઝનૂની યુવક

• 15 વર્ષ સુધી ઘરની બહાર રહીને પાસ કરી યુપીએસસી 
• ભણવા માટે પૈસા ઘટતાં જમીન વેચવી પડી 
• માતા અને પિતા બંને સરકારી શિક્ષક 

યુપીએસસી પરિક્ષામાં મેળવ્યો 346 મો રેન્ક 
નવાદાના યુવક આલોક રંજને યુપીએસસી સિવિલ સર્વિસ 2021 પરિણામમાં 346 મો રેન્ક મેળવ્યો છે. તેને સાતમા પ્રયાસમાં આ સફળતા મળી. આલોકની યુપીએસસીમાં પસંદગીની જાણ થતાં જ તેના પરિવારમાં ખુશીની લહેર છવાઈ ગઈ હતી. દીકરાની સફળતાની ખુશીમાં મીઠાઈ વહેંચવામાં આવી રહી છે. સાથે જ તેમના ઘરે ખુશીની લહેર છે. દીકરાની સફળતાથી માતા ભાવુક થઈ ગઈ અને તેની આંખોમાંથી ખુશીના આંસુ નીકળવા લાગ્યા.વાંચો: 

માતા પિતાથી 15 વર્ષ દુર રહ્યો  
"મારો દીકરો 15 વર્ષથી ઘરે આવ્યો નથી. તેણે જીદ હતી  કે જ્યાં સુધી યુપીએસસીમાં તેને સફળતા નહીં મળે ત્યાં સુધી તે ઘરના સભ્યોને પોતાનો ચહેરો નહીં બતાવે. આજે દીકરાએ અમારું સપનું સાકાર કર્યું છે. કોઈ પણ માતા-પિતા માટે આ સૌથી ખુશીનો દિવસ હોય છે." - નરેશ પ્રસાદ યાદવ, આલોક રંજનના પિતા

પૈસાની તંગીના કારણે જમીન વેચી 
આલોક રંજન રોહ પ્રખંડના ગોડિયારી ગામનો વતની છે. માતા સુશીલા દેવી અને પિતા નરેશ પ્રસાદ યાદવ બંને સરકારી શિક્ષક છે. પિતા નરેશ પ્રસાદ યાદવે જણાવ્યું કે દીકરાની મહેનત રંગ લાવી. તેમણે જણાવ્યું હતું કે, શિક્ષકની નોકરી બાદ પણ અભ્યાસ માટે પૈસાની તંગી હતી એટલે જમીન વેચીને હું આ મુકામે પહોંચ્યો છું. તેણે કહ્યું કે તે બાળપણથી જ તેજસ્વી હતો. આલોકની સફળતાથી આખા પરિવારે ગર્વથી છાતી પહોળી કરી દીધી.

સાતમાં પ્રયાસે મળી સફળતા 
આલોક રંજનનું પ્રાથમિક શિક્ષણ ગામની સરકારી શાળામાં જ થયું છે. 2007 માં નવાદાની જીવનદીપ પબ્લિક સ્કૂલમાંથી મેટ્રિક કર્યું હતું. ત્યાર બાદ તેઓ કોટા ગયા હતા, જ્યાંથી તેમણે ઇન્ટરમીડિયેટનો અભ્યાસ કર્યો હતો, ત્યારબાદ તેમણે ટ્રિપલ ઇથી એન્જિનિયરિંગનો અભ્યાસ કર્યો હતો.આ પછી આલોકે 2015માં યુપીએસસીની તૈયારી શરૂ કરી હતી.સખત મહેનત બાદ આલોકને સાતમા પ્રયાસમાં સફળતા મળી હતી અને 346 રેન્ક મેળવીને જિલ્લાનું નામ રોશન કર્યું હતું.