બેચરાજી-મોઢેરા હાઇવે પર વૃક્ષ ધરાશાયી થવાની ઘટના સામે આવી છે. જોકે આ વૃક્ષ બાઇક પર જઇ રહેલા પિતા-પુત્ર પર પડ્યું હતું. જેને લઇને બન્નેનું ઘટનાસ્થળે જ મોત નિપજ્યું. આ ઘટનાના CCTV ફૂટેજ સામે આવ્યા છે.
મહેસાણાના મોઢેરા બેચરાજી હાઇવે પર વૃક્ષ ધરાશાયી
વૃક્ષ ધરાશાયી થતાં પિતા અને પુત્રનું મૃત્યુ
બાઈક પર જઈ રહેલા પિતા-પુત્ર પર પડ્યુ વૃક્ષ
મૂળ દેત્રોજ તાલુકાના રતનપુર ગામના નરસંગ સોલંકી અને તેમના પુત્ર ભૂપત સોલંકી મહેસાણાના મોઢેરાથી દેલવાડા ગામ તરફ જઇ રહ્યા હતા. તે દરમ્યાન અચાનક જ વૃક્ષ પડતાં બંને રોડ પર પટકાયા હતા, જેને લઇને તેમનું ઘટનાસ્થળે જ મોત નિપજ્યું હતું.
આ અકસ્માતની આ ઘટના CCTV ફૂટજ પણ સામે આવ્યા છે. જેમાં વૃક્ષ ધરાશાયી થાય છે અને નીચે બાઇક આવી જાય છે જેને લઇને અકસ્માત સર્જાય છે. તો હવે આ ઘટનાને લઇને પોલીસ ઘટનાસ્થળે પહોંચી હતી અને તપાસ હાથ ધરી છે.