તમે તમારા શર્ટ ટોપ બ્લાઉઝ ડ્રેસ વગેરેને વધુ સ્પેશિયલ ફેક્ટર આપવા માંગો છો ? તો હવે તેના પર નોટ પણ લગાવી શકાય છે. તેના બે જબરદસ્ત ફાયદા છે એક તો તે ફેશન સેન્સ દર્શાવે છે અને બીજો લાભ કે તેનાથી તમને તમારા શરીરની ખામીઓ છૂપાવવામાં મદદ મળે છે.
ફિટિંગ-ફ્રીક મહિલાઓ માટે પણ નોટ ખૂબ જ ફાયદાકારક છે. જો તેનો સમજદારીપૂર્વક ઉપયોગ કરવામાં આવે તો તમારા કોઇ પણ પહેરવેશને સ્પેશિયલ બનાવી શકે છે. બેલ્ટ પર નોટની લેન્થ ડ્રેસ સાથે તમે કોઇ અલગ રંગનો બેલ્ટ પસંદ કરવાની જગ્યાએ તે જ ફેબ્રિકનો નોટ ઉપયોગ કરો. જેમાં તમે ફ્લાવર નોટ પણ લગાવી શકો છો.
જે લેન્થ પર તમારી નોટ આવી રહી છે તેમ સ્લીવ્ઝની પસંદગી તે લેન્થ અનુસાર હોવી જોઇએ લોન્ગ મેક્સી સાથે પણ આ પ્રકારની નોટ બનાવી શકાય છે. સેન્ટર અથવા ઑફ સેન્ટર નોટને તમે બે રીતે બાંધી શકો છો. સામાન્ય રીતે સેન્ટર નોટને જ વધારે પસંદગી આપવામાં આવે છે પરંતુ કેટલાક પહેરવેશની સાથે સાઇડ નોટ પણ ચલણમાં છે.
આ ઉપરાંત તમે બેકસાઇડ નોટ પણ પસંદ કરી શકો છો. જો તમારું પહેરવેશ ફિટિંગમાં નથી તો બેકસાઇડ નોટ તેને ફિટિંગ આપી શકે છે. બ્લાઉઝમાં તમે હુક્સની જગ્યાએ સુંદર બેકસાઇડ નોટનો પણ ઉપયોગ કરી શકો છો.
બટન ડાઉન શર્ટ અથવા તો બ્લાઉઝને જીન્સમાં ટક કરવાની જગ્યાએ તેને નોટ તરીકે બાંધી શકાય છે. જેના માટે પોતાની પસંદગી અનુસાર લેન્થ સુધી બટન બંધ કરો અને તેની નીચેના ભાગને નોટ બનાવીને બાંધી લો.
જો તમારી ટી-શર્ટ તમને લૂઝ લાગે છે તો તેને નીચેની તરફ ફ્રન્ટમાં કટ આપો અને કટ આપતા ભાગને નોટ તરીકે બાંધો. આ રીતે ટી-શર્ટ ફિગર ફ્લેટરિંગ ક્રોપ ટોપ જેવો લુક આપશે. લુકને વધારે આકર્ષક બનાવવા માટે તમે ટી-શર્ટને મેચિંગ જ્વેલરી પહેરી શકો છો એથનિક નેકલેસ તેની સાથે વધારે આકર્ષક લાગે છે. તમે આ ટી-શર્ટને રગ્ડ જીન્સ અથવા શોટ્સ સાથે પહેરી શકો છો.