દિલ્હી / ફરી ખેડૂત આંદોલન: મોટી સંખ્યામાં જંતર-મંતર પર ભેગી થઈ ભીડ, ભારે ફોર્સ તૈનાત, જાણો શું છે માંગ

• ત્રણ કૃષિ કાયદા ખેંચી લેવા છતાં ખેડૂતોમાં અસંતોષ
• ફરી એકવાર પંજાબથી દિલ્હી તરફ કરી રહ્યાં છે કૂચ
• પાંચ ખેડૂત સંગઠનોની દિલ્હી સંસદ તરફ માર્ચ

ફરી એકવાર ખેડૂત સંગઠન દિલ્હી તરફ પ્રયાણ કરી રહ્યું છે. પાંચ ખેડૂત સંગઠનો આજે સંસદ ભવન તરફ માર્ચ કરશે. આ પહેલાં જંતર-મંતરમાં તેમનું પ્રદર્શન છે. ખેડૂત સંગઠનોનું કહેવું છે કે કેન્દ્ર સરકારે જે વાયદાઓ કર્યાં હતાં તે પૂરા કર્યાં નથી. જાણકારી અનુસાર પંજાબથી આવી રહેલા આ ખેડૂતો દિલ્હીમાં ગુરુદ્વારા બંગલા સાહિબની પાસે ભેગા થશે અને અહીંથી સંસદ ભવનની તરફ માર્ચ કરશે. 

ફરી એકવાર શરૂ થશે આંદોલન
કેન્દ્ર સરકારે 3 કૃષિ કાયદાઓની સામે 26 નવેમ્બર 2020નાં ખેડૂતોનું આંદોલન શરૂ કર્યું હતું. લગભગ એકવર્ષ સુધી ચાલેલા આંદોલન બાદ આ ત્રણ કાયદાઓને રદ કરી દેવામાં આવ્યાં હતાં.19 નવેમ્બર 2021નાં પ્રધાનમંત્રી નરેન્દ્ર મોદીએ આ ત્રણેય કાયદાઓને પાછા ખેંચી લેવાનું એલાન કર્યું હતું તેના બાદ આ આંદોલન સમાપ્ત થયો હતો. પરંતુ ખેડૂત સંગઠનોનું કહેવું છે કે કેન્દ્ર સરકારે તેમણે કરેલા વાયદાઓને પૂરાં કર્યાં નથી તેથી તેઓ દિલ્હી તરફ માર્ચ કરી રહ્યાં છે.

શું છે તેમની માગો?

• MSP કાયદો બનાવવાની માગ..MSP એટલે કે ન્યૂનતમ સમર્થન મૂલ્ય.
• સંગઠનોનો દાવો છે કે સરકારે MSPની ગેરન્ટી પર કાયદો બનાવવાનું વચન આપ્યું હતું પરંતુ હજી સુધી એવું થયું નથી.
• ખેડૂત સંગઠનો ઈચ્છે છે કે સ્વામીનાથન આયોગનાં C2+50% ફોર્મૂલાનાં હિસાબથી MSPની ગેરેન્ટીનો કાયદો બનાવવામાં આવે.
• આ સિવાય ખેડૂત સંગઠનોની માગ એ પણ છે કે આંદોલન દરમિયાન જે પણ ખેડૂતોની સામે કેસ નોંધવામાં આવ્યાં છે તેને પાછા ખેંચવામાં આવે.

આ પાંચ સંગઠનો છે જોડાયેલા..

1. ભારતીય કિસાન ફેડરેશન
2. ભારતીય કિસાન યૂનિયન (માનસા)
3. ભારતીય કિસાન યૂનિયન (રાજેવાલ)
4. આઝાદ કિસાન સંઘર્ષ કમિટી 
5. કિસાન સંઘર્ષ કમિટી