વિરોધ / Farm Law 2020: ગુજરાત ભરના ખેડૂતોએ કર્યા દેખાવો, જુઓ ક્યાં કેવો માહાલો

• અમદાવાદ સહિત ગુજરાતમાંથી ખેડૂત આંદોલનને સમર્થન
• જૂનાગઢ કોંગ્રેસ દ્રારા ખેડૂતો આંદોલનને સમર્થન
• નવસારી વાંસદાના MLA અનંત પટેલની પોલીસે કરી અટકાયત

અમદાવાદમાં કોંગ્રેસનો ફ્લોપ શો

કૃષિ બીલના વિરોધમાં કોંગ્રેસનો વિરોધનો અમદાવાદ ખાતે ફ્લોફ શો સાબિત થયો હતો. અમદાવાદ ગાંધી આશ્રમ ખાતે બેનર સાથે વિરોધ દર્શાવ્યો હતો. દિલ્હી ખાતે ચાલી રહેલા આંદોલનને સમર્થન આપ્યું હતુ. કોંગ્રેસના કાર્યકરો હજુ તો વિરોધની શરૂઆત કરે એ પહેલા જ તેમની અટકાયત કરવામાં આવી હતી. 

રાજકોટમાં કિસાન સંઘ દ્વારા વિરોધ પ્રદર્શન

સીએમ રૂપાણીના ગામ રાજકોટમાં પણ કૃષિ બીલના વિરોધમાં ખેડૂતોએ નારા લગાવ્યા હતા. રાજકોટમાં કિસાન સંઘના દેખાવો યોજાયા હતા. બેનર સાથે કલેક્ટર કચેરી બહાર આ અંગે સૂત્રોચ્ચાર કરવામાં આવ્યા હતા. 

પાલનપુર કલેકટર કચેરી ખાતે યોજ્યા ધરણા 

ખેડૂત વિરોધી કાયદાને લઇ જિલ્લા કોંગ્રેસના ધરણા યોજાયા હતા. દિલ્હીમાં આંદોલન કરી રહેલા ખેડૂતો ને કોંગ્રેસનું સમર્થન છે. જે અંગે ખેડૂત વિરોધી કાયદો રદ કરવાની માંગ સાથે પ્રર્દશન યોજાયું હતુ. પાલનપુર કલેકટર કચેરી ખાતે ધરણા યોજ્યા હતા. કોંગ્રેસના એક પણ ધારાસભ્ય કાર્યક્રમમા હાજર આપી નહોતી. 

જૂનાગઢ કોંગ્રેસ દ્રારા ખેડૂતો આંદોલનને સમર્થન

જૂનાગઢ કોંગ્રેસ દ્રારા ખેડૂતો આંદોલનને સમર્થન મળ્યું છે.  ક્લેક્ટરને આવેદન આપી ખેડૂતોનું સમર્થન કર્યુ છે. આવેદન સમયે કોંગ્રેસે નિયમોના ધજાગરા ઉડાવ્યા હતા. કોંગ્રેસના સત્તાધીશોએ મહામારીમાં ભીડ એકઠી કરી છે. આવેદન આપવા માટે મોટી સંખ્યામાં લોકો એકઠા થયા છે. 

નવસારી વાંસદાના MLA અનંત પટેલની પોલીસે કરી અટકાયત

નવસારીના વાંસદામાં પણ કૃષિ કાયદાનો વિરોધ થઈ રહ્યો છે. કૃષિ કાયદાના વિરોધ પ્રદર્શન કરવા મુદ્દે નવસારી વાંસદાના MLA અનંત પટેલની પોલીસે અટકાયત કરી હતી. નવસારી કલેક્ટર કચેરી ખાતે પ્રદર્શન કરી રહ્યાં હતા એટલું જ નહીં પરંતુ કલેક્ટર કચેરી બહાર ધરણાનું પણ આયોજન કર્યું હતું. અનંત પટેલ સહિત 30 કાર્યકર્તાઓની અટકાયત કરાઇ હતી. 

કૃષિ બીલના વિરોધમાં વડોદરામાં કોંગ્રેસના ધરણાં

કૃષિ બીલના વિરોધમાં વડોદરામાં પણ ઘમાસાણ મચ્યુ હતુ. વડોદરા શહેરના કાર્યકર્તાઓ મોટી સંખ્યામાં જોડાયા હતા. કોવિડ ગાઇડલાઇન પાલન સાથે ધરણાં કર્યા હતા. એટલુ જ નહીં પરંતુ આ મામલે માસ્ક અને સોશિયલ ડિસ્ટન્સિંગનો પણ ખયાલ રાખવામાં આવ્યો હતો.