હોબાળા / વલસાડ : લાઈવ ગરબાના કાર્યક્રમમાં ફાલ્ગુની પાઠક મોડા પડતા લોકો વિફર્યા, પછી જુઓ શું થયું

• વલસાડમાં ફાલ્ગુની પાઠકના કાર્યક્રમમાં ધમાલ
• ફાલ્ગુની પાઠક સમયસર ન પહોંચતા બબાલ
• ટિકિટના પૈસા પરત લેવા હોબાળો

વલસાડમાં ફાલ્ગુની પાઠકના કાર્યક્રમમાં થઈ ધમાલ

વલસાડમાં એક ઇવેન્ટ ઓર્ગેનાઈઝર દ્વારા ગરબા ક્વીન ફાલ્ગુની પાઠકના ગરબાનું આયોજન કરવામાં આવ્યું હતું. જો કે, કાર્યક્રમ શરૂ થવાના નિર્ધારિત સમય બાદ પણ ફાલ્ગુની પાઠક સ્ટેજ પર નહિ આવતા પૈસા ખર્ચી પાસ લઈ કાર્યક્રમમાં આવેલા ઉપસ્થિત લોકો ભારે રોષે ભરાયા હતા. જે બાદ આયોજનના સ્થળ પર ભારે હોબાળો મચી જવા પામ્યો હતો.

નિર્ધારિત સમયે ફાલ્ગુની પાઠક ન પહોંચતા લોકો વિફર્યા

ઉલ્લેખનીય છે કે,  આયોજકો અને લોકો વચ્ચે ચાલી રહેલી બબાલ વખતે ફાલ્ગુની પાઠક આયોજનના સ્થળ પર પણ પહોંચ્યા હતા. પરંતુ મામલો ગરમાતાં ફાલ્ગુની પાઠક ફરી વખત પોતાની કારમાં બેસી અને નીકળી ગયા હતા. જેને લઈને લોકો ભારે રોષે ભરાયા હતાં. બીજી બાજુ આ ઘટનાની જાણ પોલીસ  થતા જ તાત્કાલિક પાર્ટી પ્લોટ પર પહોંચી હતી.અને મામલો થાળે પાડવાના પ્રયાસ કર્યો હતો.

કાર્યક્રમ સ્થળે હોબાળાના દ્રશ્યો જોઇને ફાલ્ગુની પાઠક પરત ફર્યા

લોકોના આક્ષેપ મુજબ આયોજકોએ ફાલ્ગુની પાઠકના નામે પૈસા લઈ અને પાસ  આપ્યા હતા. જો કે, આ મામલે આયોજકોએ જાહેરમાં લોકોની માંફી માંગી હતી. અને પાસના પૈસા રિફંડ આપવા તૈયાર થતા મામલો થાળે પડ્યો હતો. ઉલ્લેખનીય છે કે, પાર્ટી પ્લોટ સંચાલક, બાઉન્સરો, કેમેરા મેન સહિત અનેક લોકો  અને આયોજકો વચ્ચે હિસાબને લઇ વિવાદ થયા કાર્યક્રમ શરું થઈ શક્યો ન હતો અને રદ કરવાની નોબત આવી હતી.