સોશ્યલ મીડિયા પ્લેટફોર્મ ફેસબુકએ પોતાના મેસેન્જરમાં એક નવું ફિચર જોડી દીધું છે. આ નવા ફિચર હેઠળ યૂઝર્સ વૉયસ અને વીડિયો કૉલમાં એકથી વધારે લોકોને જોડી શકશે. તાજેતરમાં જ WhatsApp પર આજ ફિચર જોડવામાં આવ્યું છે જેની હેઠળ વીડિયો કૉલિંગમાં એક વધારે લોકો જોડવાનો ઑપ્શન આપવામાં આવ્યો છે.
આ નવા ફિચર એન્ડ્રોઇડ અને iOS યૂઝર્સ માટે છે. ફેસબુક તરફથી કહેવામાં આવ્યુ કે ''અમે એક નવું ફિચર શૅર કરી રહ્યા છે જેમાં વીડિયો અને ઑડિયો ચેટ્સ પર અસર થશે અને પહેલાથી વધારે ઝડપથી ચેટિંગ કરી શકાશે.''
ખાસ વાત તો એ છે કે મેસેન્જરના આ નવા ફિચરથી વીડિયો અને ઑડિયો કૉલની વચ્ચે કોઇ પણ બીજા યૂઝર્સને જોડી શકાશે. ચેટ દરમિયાન બીજા યૂઝરને એડ કરવા માટે સ્ક્રીન પર ટેપ કરવાનું રહેશે. અહીંયા add personનું આઇકૉન જોવા મળશે જ્યાં ટેપ કરીને તમે ફ્રેન્ડલિસ્ટમાંથી જેને ઇચ્છો તેને એડ કરી શકશો. કૉલ ડિસકનેક્ટ થયા પછી પણ તમે વાતચીતમાં ભાગ લઇને લોકોને મેસેજ કરી શકો છો કેમકે આ ફિચરની હેઠળ જાતે જ મેસેન્જરમાં ગ્રુપ પણ તૈયાર થાય છે.
મેસેન્જરમાં આપવામાં આવેલા આ નવા ફિચર હેઠળ એક વખતમાં 6 લોકોને જોડી શકાશે એટલે કે 6 લોકો વીડિયો કૉલિંગ પર એકસાથે વાત કરી શકશે. જોકે કૉલમાં 50 લોકો જોઇન કરી શકશો પરંતુ જેવા 6થી વધારે યૂઝર્સ જોડાશે તો કોઇ પણ યૂઝરનો ફેસ નહી દેખાય. પરંતુ કૉલ કર્યો છે તે મુખ્ય યૂઝરનો જ ફેસ દેખાશે. આ ફિચર માટે મેસેન્જર એપને અપડેટ કરવાની રહેશે.