ચોકાવનાર ઘટના / નકલી આંખના કૌભાંડથી મચ્યો હડકંપ : હાથ લગાવતા જ બહાર આવી આંખો, જાણો કેવી રીતે થયો પર્દાફાશ

• ઝારખંડના જમશેદપુરમાં એક ચોંકાવનારી ઘટના
• એક વૃદ્ધ હાથમાં આંખ લઈને સરકારી દવાખાને પહોંચ્યા
• હોસ્પિટલ અને ડોક્ટર વિરુધ્ધ નકલી આંખ બેસાડવાની ફરિયાદ

ઝારખંડના જમશેદપુરમાંથી એક ચોંકાવનારો કિસ્સો સામે આવ્યો છે. જ્યાં એક વૃદ્ધ હાથમાં આંખ લઈને સરકારી દવાખાને પહોંચ્યા હતા. તેણે આરોપ લગાવ્યો કે ઓપરેશન દરમિયાન તેની અસલી આંખ કાઢીને રમવાની ગોટી (કાચનો ગોળો) લગાવામાં આવી હતી. આ ઘટના બાદ હોસ્પિટલ પ્રશાસનમાં ખળભળાટ મચી ગયો છે. પીડિત આદિવાસી ગંગાધર સિંહે KCC હોસ્પિટલ મેનેજમેન્ટ અને ઓપરેશનના ડોક્ટરો વિરુદ્ધ પોલીસ સ્ટેશનમાં ફરિયાદ નોંધાવી છે.

એક સ્ત્રીએ ઓપરેશનનું જણાવ્યું હતું
જમશેદપુરથી લગભગ 60 કિમી દૂર જંગલોની વચ્ચે બનેલા આદિવાસી બહુલ ગામમાં લગભગ 15 ઘર છે. આમાંથી એક ઘર પીડિત ગંગાધર સિંહનું છે. થોડા દિવસોથી તેની આંખમાંથી પાણી આવી રહ્યું હતું. ગામમાં એક સ્ત્રી આવી. વૃદ્ધ ગંગાધર સિંહે તેને તેની આંખની સમસ્યા વિશે જણાવ્યું. મહિલાએ તેને તેની સારવારની ખાતરી આપી અને એક NGO સાથે વાત કરવાનું કહ્યું.

આંખમાં તકલીફ થવા લાગી
18 નવેમ્બર 2021 ના ​​રોજ, વૃદ્ધ ગંગાધર સિંહને હોસ્પિટલમાં લઈ જવામાં આવ્યા. તેની સાથે તે જ ગામના દેવા મુર્મુ, ચિતા હંસદા, ભાનુ સિંહ, મંજોલ સિંહ અને ટેટે ગીરી સહિત અન્ય બે વ્યક્તિઓ પર પણ ઓપરેશન કરવામાં આવ્યું હતું. ઓપરેશન પછી બીજા દિવસે બધાને ઘરે મોકલી દેવામાં આવ્યા. થોડા દિવસો પછી ગંગાધરની આંખોમાં ખંજવાળ આવવા લાગી. આ પછી ગંગાધરને ફરીથી જમશેદપુર, રાંચી અને કોલકાતા લઈ જવામાં આવ્યા, પરંતુ તે પછી પણ સમસ્યા દૂર થઈ ન હતી.

અચાનક આંખ બહાર નીકળી આવી
દિવસે ને દિવસે તેની તકલીફ વધતી જતી હતી. આંખોમાં ખંજવાળ અને બળતરા એટલી વધી ગઈ કે તેણે તેને બંને હાથ વડે આંખ ચોળવાનું શરૂ કર્યું. પછી તેણે તેની આંખમાં પાણી નાખ્યું. આ પછી આંખમાં કાચની ગોળી બહાર આવી. તે જોઈને તે ડરી ગયા. તુરત જ તે આંખ સાથે દવાખાને પહોંચી ગયો. જ્યાં મેડિકલ તપાસ બાદ જણાવવામાં આવ્યું કે તેની આંખ નકલી છે. આ સત્ય પછી સમગ્ર હોસ્પિટલ પ્રશાસનમાં હલચલ મચી ગઈ હતી અને કેસ નોંધવામાં આવ્યો હતો. આ પછી ગ્રામજનોએ બેઠક બોલાવી હતી. તે જ સમયે, જે મહિલા દ્વારા ઓપરેશન કરવામાં આવ્યું છે તેની શોધ કરવામાં આવી રહી છે.

દોષિતો સામે કાર્યવાહી થશે
આ અંગે સિવિલ સર્જન શાહિદ પાલનું કહેવું છે કે ગંગાધરની આંખનું ઓપરેશન કરનાર સર્જનની દેખરેખમાં તપાસ કરવામાં આવી રહી છે. તપાસ દરમિયાન અમને જાણવા મળ્યું કે આંખને બદલે બાળકને રમવાની કાંચની ગોળી હતી, જે એક મોટો ગુનો છે. તપાસ બાદ દોષિતો સામે કડક કાર્યવાહી કરવામાં આવશે.