BREAKING NEWS / યુક્રેનના મારીયુપોલમાં ફરી થયા ધડાકા, Video ફૂટેજમાં ધુમાડાના ગોટેગોટા ઉડતા દેખાયા

• રશિયા યુક્રેન વચ્ચે યુદ્ધની વધતી શક્યતા 
• આજે વહેલી સવારે પૂર્વીય યુક્રેનમાં વિસ્ફોટના અવાજ 
• વિડીયો ફૂટેજમાં યુક્રેનના શહેર મારીયુપોલમાં વાદળો દેખાયા

પૂર્વીય યુક્રેનમાં ફરી ધડાકા થયા હોવાના અવાજ

રશિયા સાથે યુદ્ધની આશંકા વચ્ચે પૂર્વીય યુક્રેનમાં ફરી ધડાકા થયા હોવાના અવાજ સંભળાયાં હતા. એક રપોર્ટ અનુસાર યુક્રેનનાં શહેર મારીયુપોલમાં ગુરુવારે સવારે વિસ્ફોટનો અવાજ સંભળાયો હતો. 

રશિયન સેનાએ ગોળીબારી કરી હોવાની આશંકા 

આ જગ્યા રશિયાના બોર્ડરથી માત્ર ૩૦ મેઇલ દૂર છે. આશંકા એ પણ છે કે આ વિસ્તારમાં રશિયન સેનાએ ગોળીબારી કરી હશે. ત્યાં અલગતાવાદીઓના હુમલામાં યુક્રેનનાં બે સૈનિકોના મોતના સમાચાર આવ્યા હતા. આ તમામની વચ્ચે રશિયાએ બેલેસ્ટિક અને ક્રૂઝ મિસાઈલોના પરિક્ષણ સાથે પરમાણુ યુદ્ધાભ્યાસ શરૂ કરી દીધો છે. 

એક વિડીયો ફૂટેજમાં મારીયુપોલમાં રેટ આકાશમાં ધુમાડા સાથે વાદળ ઉઠેલા દેખાઈ રહ્યા છે. જો કે આ હજુ સુધી સ્પષ્ટ નથી થયું કે તે ગોળીબારના કારણે થયું હતું કે કોઈ વિસ્ફોટના કારણે જ થયું છે.  

આ પહેલા પૂર્વ યુક્રેનમાં એક કાર વિસ્ફોટ

આ પહેલા પૂર્વ યુક્રેનમાં એક કારમાં વિસ્ફોટ થયો હતો. આ ઘટના જોનેત્સ્ક શહેરમાં બની હતી. જ્યાં રશિયા તરફી અલગતાવાદીઓનો કબજો છે. અહીં ગેસ પાઈપલાઈનમાં પણ આગ લાગી હતી. રશિયા તરફી અલગતાવાદીઓએ આ માટે યુક્રેનને જવાબદાર ઠેરવ્યું હતું. બુધવારે પણ યુક્રેનના ઘણા શહેરોમાં મિસાઇલો છોડવામાં આવી હતી. જેમાં એક શાળાને ભારે નુકસાન થયું હતું. નવા વિસ્ફોટ સાથે તણાવ વધુ તીવ્ર બન્યો. યુક્રેન અને રશિયા બંને એકબીજા પર આરોપ લગાવી રહ્યા છે. આ વિસ્ફોટોને યુદ્ધના ટ્રેલર તરીકે જોવામાં આવી રહ્યા છે.

અમેરિકાએ ચેતવણી આપી
આ દરમિયાન અમેરિકાએ યુક્રેનને ચેતવણી આપી છે કે રશિયા આગામી 48 કલાકમાં મોટા પાયે હુમલો કરી શકે છે. આ ચેતવણીમાં કહેવામાં આવ્યું છે કે રશિયાએ યુક્રેન પર હુમલો કરવાની તમામ તૈયારીઓ પૂર્ણ કરી લીધી છે. એવું પણ જાણવા મળ્યું છે કે તણાવ શરૂ થયા બાદ આજે રશિયાએ પ્રથમ વખત યુક્રેનિયન એરસ્પેસનું ઉલ્લંઘન કર્યું છે. રશિયાના એક જાસૂસી વિમાને યુક્રેનની ઉપરથી ઉડતી વખતે જાસૂસી કરી છે. એક દિવસ પહેલા, રશિયન સંસદે રાષ્ટ્રપતિ વ્લાદિમીર પુતિનને વિદેશમાં સૈન્ય તૈનાત કરવાની સંપૂર્ણ સત્તા આપી હતી.