IPLIN
 
  • Home
  • Politics
  • India
  • Even after an eight-hour long meeting, both the parties were adamant and the farmers gave an ultimatum to the Modi government

મીટિંગ / આઠ કલાક લાંબી મીટિંગ બાદ પણ બંને પક્ષો અડગ, ખેડૂતોએ મોદી સરકારને આપ્યું અલ્ટિમેટમ 

Team VTV 08:12 PM, 03 Dec 20 | Updated: 08:20 PM, 03 Dec 20
Follow us
Even after an eight-hour long meeting, both the parties were adamant and the farmers gave an ultimatum to the Modi government

છેલ્લા આઠ દિવસથી દિલ્હીની ભાગોળે ડેરો જમાવીને બેઠેલા વિવિધ રાજ્યના ખેડૂતો અને કેન્દ્ર સરકાર વચ્ચે આજે દિલ્હીમાં ચોથા રાઉન્ડની બેઠક યોજાઈ હતી, આ બેઠકમાં ખેડૂત સંગઠનોના અગ્રણીઓ અને કેન્દ્રીય કૃષિ મંત્રી નરેન્દ્ર સિંહ તોમર અને કેન્દ્રીય કૃષિ સચિવે ભાગ લીધો હતો, આ બેઠકના અંતે સરકારે સ્પષ્ટ કર્યું હતું કે એમએસપી ના મામલે કોઈ પણ પરિવર્તન થવાનું નથી. 

  • સરકારે કહ્યું,"MSP નહીં બદલાય" 
  • ખેડૂત નેતાઓ કાયદા હટાવવાની માંગણી પર અડગ 
  • આજે યોજાઇ હતી ચોથા રાઉન્ડની બેઠક 

 દિલ્હીના વિજ્ઞાન ભવનમાં આજે બપોરે 12 વાગ્યે શરુ થયેલી બેઠક લગભગ આઠ કલાક ચાલી હતી અને આ બેઠક બાદ સરકારે સપષ્ટ કર્યું હતું કે MSP મુદ્દે ચાલી રહેલી વ્યવસ્થા હજુ આગળ પણ ચાલુ જ રહેવાની છે, આ મુદ્દે કોઈ પણ બદલાવ થવાનો નથી, જો કે આ સ્પષ્ટતા બાદ એવું કહી શકાય કે સરકાર MSP ના મુદ્દે ખેડૂતો સામે ઝૂકવા માટે તૈયાર નથી. 

પીયૂષ ગોયલે ગૃહમંત્રી સાથે કરી હતી વાતચીત 

સૂત્રોએ આપેલી જાણકારી પ્રમાણે આ મિટિંગ દરમિયાન વાણિજ્ય મંત્રી પીયૂષ ગોયલે બે વાર ગૃહમંત્રી અમિત શાહ સાથે ફોન પર વાતચીત કરી હતી, જો કે સરકાર અને ખેડૂતો બંને પોતપોતાની ડિમાન્ડ ઉપર હજુ અડગ છે. 

બીજી બાજુ ખેડૂત સંગઠનોએ સરકારને અલ્ટીમેટમ આપી દીધું છે જેમાં કહ્યું છે કે સરકાર હવે માત્ર કાયદાઓને પાછા લેવાની ઘોષણા કરે નહીં તો અમે આગળની મિટિંગમાં નહિ આવીએ, આ મુદ્દે જો કે હજુ પણ બંને પક્ષ પોતપોતાના સ્ટેન્ડ પર અડગ દેખાઈ રહયા છે. 

હવે આ જન આંદોલન : ખેડૂત નેતાઓ 

વધુમાં ખેડૂત સંગઠનોએ જણાવ્યું હતું કે સ્થિતિ હવે તેમના કંટ્રોલમાં રહી નથી અને હવે ખેડૂતો ને સમજાવવું તેમના હાથમાં રહ્યું નથી. ખેડૂત અગ્રણીઓએ કહ્યું હતું કે આ આંદોલન હવે માત્ર ખેડૂતોનું નહિ પરંતુ જન આંદોલન બની ચૂક્યું છે અને હવે સરકારે તેના કાયદાઓને પાછા લેવા જ પડશે ત્યારે જ આ આંદોલન ખતમ થશે. 

ખેડૂતો સરકાર અલ્ટિમેટમ farmers protest MSP Agriculture Bills
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ