નિર્ણય / સરકારના આ નિર્ણયથી હવે પેન્શન ધારકોએ નહીં ખાવા પડે ધક્કા, PF ખાતાધારકોને થશે આ ફાયદો

• સરકારના આ નિર્ણયથી હવે પેન્શન ધારકોએ નહીં ખાવા પડે ધક્કા 
• PF ખાતાધારકોને થશે આ ફાયદો 

ઉલ્લેખનીય છે કે, તમે ફક્ત એક એપ્લિકેશન દ્વારા ઘણી વસ્તુઓ સરળતાથી કરી શકો છો - ન્યૂ-એજ ગવર્નન્સ માટે યુનિફાઇડ મોબાઇલ એપ્લિકેશન (ઉમંગ) તાજેતરમાં, ઉમંગ એપ્લિકેશન પર ઇપીએફ એકાઉન્ટ ધારકો માટે નવી સુવિધા શરૂ થઈ છે.

આ સુવિધા હેઠળ, ઇપીએસ દ્વારા સભ્યોને કર્મચારી પેન્શન યોજના, 1995 હેઠળ યોજનાના પ્રમાણપત્ર માટે અરજી કરવામાં સક્ષમ કરવામાં આવ્યા છે. યોજનાનું પ્રમાણપત્ર એવા સભ્યોને જાહેર કરવામાં આવે છે જેઓ EPF નું યોગદાન પાછું લે છે પરંતુ નિવૃત્તિની ઉંમરે પેન્શન લાભ મેળવવા માટે EPFO ​​સાથે તેમનું સભ્યપદ જાળવી રાખવા માગે છે.

પેન્શન ધારકોને થશે મોટો ફાયદો 

આ ઉપરાંત, પાત્ર સભ્યની મૃત્યુની સ્થિતિમાં કુટુંબના સભ્યો માટે કુટુંબિક પેન્શન મેળવવા માટે પણ યોજનાનું પ્રમાણપત્ર ઉપયોગી છે. ઉમંગ એપ્લિકેશન દ્વારા સ્કીમ સર્ટિફિકેટ માટે અરજી કરવાનો ફાયદો એ છે કે હવે લોકોને શારિરીક રીતે અરજી કરવાની મુશ્કેલીઓથી મુક્તિ મળશે. ખાસ કરીને, તેનો મહામારી દરમિયાન ફાયદો થશે અને બિનજરૂરી કાગળની કાર્યવાહીથી પણ છૂટકારો મળશે.

આશરે 6 કરોડ સભ્યોને ફાયદો થશે

આ સુવિધાથી આશરે 6 કરોડ સભ્યોને ફાયદો થશે. ઉમંગ એપ પર સેવા પ્રાપ્ત કરવા માટે સક્રિય યુનિવર્સલ એકાઉન્ટ નંબર(UAAN)અને ઇપીએફઓની સાથે નોંધાયેલ નંબરની જરૂર પડશે. 

મોબાઈલ ગવર્નન્સને પ્રાધાન્ય આપવા માટે શરૂ કરાઇ એપ 

આપને જણાવી દઈએ કે ભારતમાં મોબાઈલ ગવર્નન્સને પ્રોત્સાહન આપવા માટે ઉમંગ (ન્યુ-એજ ગવર્નન્સ માટે યુનિફાઇડ મોબાઇલ એપ્લિકેશન) ને ઇલેક્ટ્રોનિક્સ અને ઇન્ફર્મેશન ટેકનોલોજી અને નેશનલ ઇ-ગવર્નન્સ ડિવિઝન (એનજીડી) દ્વારા વિકસાવવામાં આવી છે.