પીએફના પૈસા મેળવવા માટે નહિ ખાવા પડે ધક્કા, કર્મચારી ભવિષ્ય નિધિ સંગઠને જાહેર કરી વધુ એક સુવિધા
EPFOએ સબસ્ક્રાઈબર્સને મોટી સુવિધા આપી
પીએફના પૈસા ઘરે બેઠા ટ્રાન્સફર કરી શકશો
પીએફ એકાઉન્ટમાંથી અન્ય ખાતામાં પૈસા ટ્રાન્સફર થઇ શકશે
EPFOએ સબસ્ક્રાઇબર્સની સુવિધાને ધ્યાને રાખીને મહત્વપૂર્ણ અપડેટ આપી છે. હવે પીએફના પૈસા બીજા ખાતામાં જમા કરવા માટે ક્યાંય જવાની જરુર નહી પડે. તમે ઘરે બેઠા જ ઓનલાઇન પૈસા ટ્રાન્સફર કરી શકશો. EPFO એ તેના સબ્સ્ક્રાઇબર્સ માટે બુધવારે એટલે કે 13 એપ્રિલે સવારે 11:26 વાગ્યે અપડેટ જારી કર્યું છે. લાઇફ ઇન્સ્યોરન્સ કોર્પોરેશન ઓફ ઇન્ડિયાએ તેના સત્તાવાર ટ્વિટર હેન્ડલ પરથી એક ટ્વિટમાં કેટલીક સરળ રીતો આપી છે, જેની મદદથી સબસ્ક્રાઇબર્સ તેમના પીએફ એકાઉન્ટમાં જમા નાણાં એક એકાઉન્ટમાંથી બીજા એકાઉન્ટમાં ઓનલાઈન ટ્રાન્સફર કરી શકે છે.
આ વિગતો પણ જરૂરી છે
જો તમે પણ તમારા પીએફ ખાતામાં જમા પૈસા ટ્રાન્સફર કરવા માંગો છો, તો તમારે પહેલા યુનિવર્સલ એકાઉન્ટ નંબર એક્ટિવેટ કરવો પડશે. આ સિવાય ખાતાધારક પાસે બેંક ખાતા, આધાર કાર્ડ નંબર અને અન્ય તમામ જરૂરી વિગતો વિશે સાચી માહિતી હોવી જોઈએ.
ઑનલાઇન ટ્રાન્સફર માટે આ સરળ પગલાં
યુનિફાઇડ મેમ્બર પોર્ટલ પર જઇને UAN અને પાસવર્ડ દાખલ કરીને લોગ ઇન કરો.
ઓનલાઈન સેવાઓ પર ક્લિક કર્યા પછી, તમારે Online Member-One EPF Account(ટ્રાન્સફર રિક્વેસ્ટ) પર જવું પડશે.
આ પછી, વર્તમાન કંપની સાથે સંબંધિત વ્યક્તિગત માહિતી અને પીએફ એકાઉન્ટની ચકાસણી કરવી પડશે.
Get Details વિકલ્પ પર ક્લિક કરો. અહીં તમે અગાઉની કંપનીના પીએફ ખાતાની વિગતો વેરિફાય કરવી
ફોર્મ ચકાસવા માટે અગાઉની અથવા વર્તમાન કંપની પસંદ કરો.
UAN રજિસ્ટર્ડ મોબાઇલ નંબર પર OTP મેળવવા માટે GET OTP મેળવો પર ક્લિક કરો. આ પછી, OTP દાખલ કર્યા પછી, સબમિટ પર ક્લિક કરો.
OTP દાખલ કર્યા પછી તમે જે કંપનીમાં કામ કરો છો તેને ઓનલાઈન મની ટ્રાન્સફર પ્રક્રિયા માટેની વિનંતી મોકલવામાં આવશે. આ પછી, મની ટ્રાન્સફરની પ્રક્રિયામાં ત્રણ દિવસનો સમય લાગે છે. તમે જણાવેલા ખાતામાં કંપની પૈસા ટ્રાન્સફર કરશે. જે EPFOના ફિલ્ડ ઓફિસર દ્વારા વેરિફાઈ કરવામાં આવશે. આ પછી પૈસા તમે એન્ટર કરેલા ખાતામાં ટ્રાન્સફર થઈ જશે.