IPLIN
 
  • Home
  • Business
  • EPF Balance Check How to check your PF Account Balance & Statements

EPFO / નવા વર્ષમાં તમારા PF ખાતામાં કેટલા પૈસા જમા થયા, ઘેર બેઠા આ 4 સરળ રીતથી જાણો

Team VTV 04:08 PM, 15 Jan 20 | Updated: 04:11 PM, 15 Jan 20
Follow us
EPF Balance Check How to check your PF Account Balance & Statements

જો તમે નોકરિયાત છો અને તમારું પ્રોવિડન્ટ ફંડ એટલે કે પીએફ કપાય છે તો આ સમાચાર તમારા માટે બહુ જ કામના છે, કારણ કે હવે તમે માત્ર એક મિસ્ડ કોલની મદદથી તમારા પૈસા વિશે જાણકારી મેળવી શકો છો. તેના માટે EPFO એક નંબર રજૂ કર્યો છે. આ સિવાય ઓનલાઈન અને એસએમએસ સર્વિસથી પણ પીએફ બેલેન્સ વિશે જાણી શકાય છે. તમને જણાવી દઈએ કે શ્રમ પ્રધાન સંતોષ ગંગવારે તેમના ટ્વિટર હેન્ડલ પર ટ્વિટ કરી આ સંબંધી પ્રક્રિયા વિશે જણાવ્યું છે.

  • આ સરળ રીતથી પીએફનું બેલેન્સ જાણો
  • મિસ્ડ કોલ દ્વારા મેળવો પીએફ ખાતાનું બેલેન્સ
  • ઉમંગ એપની મદદથી પીએફની જાણકારી મેળવો

પીએફ ખાતામાં પૈસા જમા કરાવવા માટે એક રકમ નિશ્ચિત હોય છે. કર્મચારી અને કંપનીએ દર મહિને બેસિક સેલરી અને ડીએ (જો હોય તો)નો 12 ટકા ચૂકવવો પડે છે. 12 ટકામાંથી 8.33 ટકા ઇપીએફ કિટીમાં જાય છે. જ્યારે 3.67 ટકા ભાગ ઇપીએફમાં જમા થાય છે.

આ 3 રીતથી ઘેર બેઠા જાણો પીએફ ખાતામાં રહેલાં પૈસા અંગેની જાણકારી

મિસ્ડકોલ દ્વારા પીએફ બેલેન્સ જાણવાની પ્રોસેસ

તમારા પીએફ બેલેન્સ અંગે તમે એક મિસ્ડકોલ દ્વારા જાણી શકો છો. ઈપીએફઓએ જણાવ્યું છે કે, રજિસ્ટર્ડ મોબાઈલ નંબર 011-22901406 પર મિસ કોલ કરવો પડશે. ત્યારબાદ મેસેજ દ્વારા જાણી શકાશે કે એકાઉન્ટમાં કેટલું પીએફ બેલેન્સ છે. મિસ્ડકોલ પછી તરત જ એક મેસેજ મળે છે. આ મેસેજ EPFO મોકલે છે. જો તમારી કંપની કોઈ પ્રાઈવેટ ટ્રસ્ટ છે તો તમને બેલેન્સ ડિટેલ નહીં મળે. આ માટે તમારે તમારી કંપનીનો સંપર્ક કરવો પડશે. આ સુવિધા દ્વારા સૌથી વધુ લોકો પીએફ ખાતાની જાણકારી હાંસલ કરે છે, કારણ કે તે મોબાઈલ એપ અને એસએમએસ કરતા વધુ સરળ છે.               

SMS દ્વારા પીએફ ખાતાની જાણકારી

તેના માટે તમારું UAN નંબર EPFOની સાથે રજિસ્ટર્ડ હોવું જોઈએ. તમારે 7738299899 પર  ‘EPFOHO UAN ENG’ લખીને મોકલવું પડશે. આ સર્વિસ અંગ્રેજી, હિન્દી, પંજાબી સહિત 10 અલગ-અલગ ભાષાઓ સપોર્ટ કરે છે. 

એપ દ્વારા મેળવો પીએફ ખાતાનું બેલેન્સ

EPFOનું એમ સેવા એપ તમે ગૂગલ પ્લે સ્ટોરથી ડાઉનલોડ કરી શકો છો. એપ ડાઉનલોડ કર્યા બાદ મેમ્બર પર ક્લિક કરી બેલેન્સ અથવા પાસબુક સેક્શનમાં જઈ શકો છો. ત્યારબાદ તમારું યૂએએન નંબર અને રજિસ્ટર્ડ મોબાઈલ નંબર નાખો. 

ઉમંગ મોબાઈલ એપ દ્વારા આ રીતે ચેક કરો પીએફ બેલેન્સ

આ એક સરકારી એપ છે, જેના દ્વારા ફક્ત EPF નહીં, અન્ય સરકારી સેવાઓનો લાભ એક જ જગ્યા પર લઈ શકાય છે. સૌપ્રથમ પોતાના સ્માર્ટફોનમાં પ્લે સ્ટોર દ્વારા Umang Appને ડાઉનલોડ કરો. પછી તેમાં પોતાના ફોન નંબરને રજીસ્ટર કરો અને એપમાં લૉગઇન કરો. ટોપ લેફ્ટ કોર્નરમાં આપવામાં આવેલા મેન્યૂમાં જઇને ‘Service Directory’માં જાઓ. અહીં EPFO વિકલ્પને સર્ચ કરવા માટે ક્લિક કરો. અહીં View Passbookમાં ગયા બાદ પોતાના UAN નંબર અને OTP દ્વારા બેલેન્સ જોઈ લો.

પ્રોવિડન્ટ ફંડ EPF Balance Check EPFO missed call PF Balance
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ