વધી ચિંતા / 15 દિવસમાં ડેલ્ટા પ્લસના કેસમાં જોવા મળ્યો 6 ગણો વધારો, વાયરસનું 13 વખત થઈ ચૂક્યું છે મ્યૂટેશન

• 15 દિવસમાં  ડેલ્ટા પ્લસના કેસમાં જોવા મળ્યો 6 ગણો વધારો
• વાયરસનું 13 વખત થઈ ચૂક્યું છે મ્યૂટેશન
•  9- 31 ઓગસ્ટની વચ્ચે  10 હજારથી વધારે સેમ્પલનું જીનોમ સિક્વન્સિંગ કરાયું

કેરળ સહિત દેશના કેટલાક રાજ્યોમાં સ્થિતિ ગંભીર હોવાના કારણે બીજી લહેર કાયમ જોવા મળી રહી છે. એવામાં ઈન્સાકોગે 3 અઠવાડિયાની સ્થિતિને લઈને ચોંકાવનારો રિપોર્ટ જાહેર કર્યો છે. તેના આધારે ડેલ્ટા પ્લસના કેસમાં છેલ્લા 15 દિવસમાં 6 ગણો વધારો થયો છે અને સાથે ફક્ત ડેલ્ટા સ્વરૂપથી 13 વખત મ્યૂટેશન થયું છ. કુલ 856 સેમ્પલની ઓળખ કરવામાં વૈજ્ઞાનિકોને સફળતા મળી છે.

વાયરસ શાંત થયો નથી, ક્યારેય પણ દેખાડી શકે છે અસર
રિપોર્ટના અનુસાર 9- 31 ઓગસ્ટની વચ્ચે  10 હજારથી વધારે સેમ્પલનું જીનોમ સિક્વન્સિંગ કરાયું હતું જેમાં એકમાત્ર ડેલ્ટા પ્લસ સ્વરૂપમાં 6.44 ગણો વધારો જોવા મળ્યો હતો.  તેને લઈને ચિંતા વ્યક્ત કરતા ઈન્સાકોગે અપીલ કરી છે કે તેઓ કોરોના વાયરસ પર ભરોસો ન કરે. લોકોને લાગે છે કે વાયરસ શાંત થઈ ચૂક્યો છે પણ તેની કોઈ માહિતી સામે આવી નથી. વાયરસમાં ફેરફાર જોવા મળી રહ્યા છે અને તેમાંથી કયું મ્યુટેશન આગામી સમયમાં શું અસર દેખાડી શકે છે તેની કોઈની પાસે કોઈ માહિતિ નથી.  

68 ટકા સેમ્પલમાં ખતરનાક સ્વરૂપ
વૈજ્ઞાનિકોએ કહ્યું કે 68 ટકા જીનોમ સીક્વન્સિંગમાં ડેલ્ટા વેરિઅન્ટ મળ્યું છે. આ વેક્સીનેશન બાદ પણ લોકોને સંક્રમિત કરી શકે છે. જ્યારે 6 મહિના પહેલા સંક્રમિત થયેલો વ્યક્તિ ફરીથી કોરોનાની ઝપેટમાં આવી શકે છે.  ઈન્સાકોગે કહ્યું કે ડેલ્ટા સ્વરૂપમાં અત્યાર સુધી એવાઈ-1થી લઈને એવાઈ 12 નામના 13 મ્યૂટેશન મળી ચૂક્યા છે. ગંભીર વાત એ છે કે આ દરેક ભારતમાં છે. 856 સેમ્પલમાં આ દરેક મ્યૂટેશનની પુષ્ટિ થઈ છે. તેમ છતાં પણ ડેલ્ટા ભારતમાં કોરોના વાયરસનો પ્રમુખ વંશ બની રહ્યો છે.