અકસ્માત / આઇશરની ટક્કરથી પાંચ બહેનોના એકના એક ભાઈનું કરુણ મોત

તો બીજી તરફ સુખરામનગરમાં બાઇક પર જતા એક યુવકને આઇશર ચાલકે ટક્કર મારતા તેનું ઘટનાસ્થળે મોત થયું હતું. પાંચ બહેન વચ્ચે એકના એક ભાઇનું કરૂણ મોત થતા ચકચાર મચી ગઇ હતી. 

વાસણા વિસ્તારમાં રહેતા હર્ષ યોગેશભાઈ મહેતા, સૌરભ ઘનશ્યામભાઈ વિશ્વકર્મા તથા ઉર્વિશ પ્રવીણભાઈ ખીમસૂરિયા ત્રણેય મિત્રો ગઈકાલે  સવારે ૬ કલાકે સાણંદ તાલુકાના સરી ગામના પાટિયા પાસે આવેલા ઊગતા પોરની મેલડીમાનાં દર્શન કરવા બાઈક લઈને નીકળ્યા હતા. 

મંદિરે દર્શન કરી ૮.૩૦કલાક આસપાસ પરત ઘરે આવવા નીકળેલા હતા. તે સમયે ઊર્વિશ ખીમસૂરિયા બાઈક ચલાવતા હતા અને આશરે એકાદ કિમી અમદાવાદ તરફ જતા અચાનક ઊર્વિશના હાથે બાઈક ડિવાઈડર સાથે અથડાતાં યુવાન નીચે પટકાયા હતા. અકસ્માત થતા લોકો ભેગા થઇ ગયા હતા અને ઈજાગ્રસ્ત ૧૦૮ મારફતે બાવળા સારવાર માટે ખસેડાયા હતા.

ત્યાં સારવાર લઈને તેઓને સારું થતાં ત્રણેય જણા  બાવળાથી છકડામાં બેસી અકસ્માતવાળી જગ્યાએ આવેલા અને ત્યાંથી ત્રણેય જણા બાઈક લઈને ઘરે જવા નીકળ્યા હતા જ્યાં ઉર્વીશ નામના યુવકનું મોત થયું હતું.

ગોમતીપુર સુખરામનગરમાં બાઇક પર જતા એક યુવકને આઇશરે ટક્કર મારતા તેનું ઘટનાસ્થળે મોત થયું હતું. યુવકના મોત બાદ અનુપમ સિનેમા પાસે આવેલા એપ્પલ પાર્કમાં કામ કરતા ગાર્મેટના પ૦૦ થી વધુ કર્મચારીએ આજે કામ બંધ રાખ્યું હતું.