BIG NEWS / મહારાષ્ટ્રના દિગ્ગજ નેતાને ED સવારે 5 વાગે ઘરેથી ઉપાડી ગઈ, દાઉદ ઈબ્રાહીમ સાથે જોડાયેલા છે તાર

• નવાબ મલિક સાથે ઈડી કરશે પૂછપરછ
• NCP નેતાને પોતાની સાથે લઈ ગઈ ઈડી
• શરદ પવાર લગાવ્યા આ ગંભીર આક્ષેપ

NCP નેતા નવાબ મલિકને બુધવારે સવારે 5 કલાક ઈડીની ટીમ પૂછપરછ માટે પોતાની સાથે લઈ ગઈ હતી. જેના પર એનસીપી સુપ્રીમો શરદ પવારે કેન્દ્ર સરકાર પર આકરાં પ્રહારો કર્યા હતા. પવારે કહ્યું હતું કે, નવાબ મલિક સતત કેન્દ્ર સરકાર અને ઈડી વિરુદ્ધ બોલતા આવ્યા છે. એટલા માટે તેમના પર કાર્યવાહી થઈ રહી છે. શરદ પવારે કહ્યું કે, સત્તાનો દુરપયોગ થઈ રહ્યો છે.

નવાબ મલિક સાથે પૂછપરછ 

પ્રાપ્ત વિગતો અનુસાર જોઈએ તો, દાઉદ મામલે ઈડી જે ઈન્વેસ્ટિગેશન કરી રહ્યું છે, તેને લઈને નવાબ મલિક સાથે પૂછપરછ થઈ રહી છે. સૂત્રોનું માનીએ તો, નવાબ મલિકને ડિટેન અથવા અરેસ્ટ કરવામાં આવ્યા નથી, નવાબ મલિકને સમન્સ મોકલવામાં આવ્યું હતું.

દાઉદના ભાઈ સાથે પૂછપરછ

સૂત્રોએ જણાવ્યું છે કે, દાઉદ ઈબ્રાહિમના ભાઈ ઈકબાલ કાસકરના નિવેદનમાં ઈડીને કંઈક એવું મળ્યું, જે નવાબ મલિક તરફ ઈશારો કરે છે. જે બાદ મલિકને સમન્સ મોકલવામાં આવ્યું હતું. આ નિવેદન કોઈ જમીનના સોદા સંબંધિત બતાવાય છે. 

શું છે મામલો

અંડરવર્લ્ડ ડોન દાઉદ ઈબ્રાહિમ દેશમાં હિંસા ફેલાવાની તૈયારી કરી રહ્યું છે અને તેના માટે તેણે એક સ્પેશિયલ યુનિટ પણ બનાવી રાખી છે, જેના માધ્યમથી તે દેશના કોઈ મોટા નેતા અથવા વેપારી પર જીવલેણ હુમલો કરવાની તૈયારી પણ કરી રહ્યા છે. આ જાણકારીના આધારે નેશનલ ઈન્વેસ્ટેીગેશન એજન્સીએ દાઉદ અને તેના નજીકના લોકો વિરુદ્ધ મામલો નોંધાવ્યો છે.  

હવે જ્યારે આટલું મોટું પ્લાનિંગ થઈ રહ્યું હતુ, તો તેના માટે ઘણાં બધાં રૂપિયા પણ જોઈએ, જે બાદ આ મામલે ઈડીએ અંડરવર્લ્ડ ડોન દાઉદ ઈબ્રાહિમ અને તેના નજીકના સાથીઓ વિરુદ્ધ મની લોન્ડ્રીંગનો મામલો નોંધાવ્યો છે અને આ મામલે ઈડીએ દાઉદના ભાઈ ઈકબાલ કાસકરની ધરપકડ કર્યો છે. જે હાલમાં ઈડીની કસ્ટડીમાં છે.