NCP નેતા અને પૂર્વ એવિએશન મિનિસ્ટર પ્રફુલ પટેલને દાઉદ ઇબ્રાહિમના એક સહયોગી સાથે નાણાકીય અને લેન્ડના સોદા મામલે EDએ સમન્સ ફટકાર્યું છે. આરોપ છે કે, NCP નેતાનો પરિવાર દ્વારા પ્રમોટેડ કંપની અને 'મિર્ચી'ના કુખ્યાત દિવંગત ઇકબાલ મેમણ વચ્ચે નાણાકીય ડીલ થઇ હતી. પટેલ ફેમિલી દ્વારા પ્રમોટેડ કંપની મિલેનિયમ ડેવલપર્સ પ્રાઇવેટ લિમિટેડ અને મિર્ચી ફેમિલી વચ્ચે થયેલ લીગલ એગ્રીમેન્ટની ED દ્વારા તપાસ કરવામાં આવી રહી છે.
મોદી સરકાર 2.0 સક્રિય
NCP નેતા પ્રફુલ પટેલને EDનું તેડું
સૂત્રોના જણાવ્યા અનુસાર આ ડીલમાં પટેલ ફેમિલીની કંપની મિલેનિયમ ડેવલપર્સને મિર્ચી ફેમિલી તરફથી એક પ્લોટ આપવામાં આવ્યો હતો. આ પ્લોટ વર્લીમાં નહેરુ પ્લેનેટોરિયમની સામેના પ્રાઇમ લોકેશન પર આવેલો છે. આ પ્લોટ પર મિલેનિયમ ડેવલપર્સે 15 માળનું કોમર્શિયલ અને રહેણાંક ઇમારતનું નિર્માણ કર્યું છે. જે CJ હાઉસ તરીકે ઓળખાઇ રહ્યું છે.
11 જગ્યાએ ED ના દરોડા
નોંધનીય છે કે, ગત 11 દિવસમાં મુંબઇથી લઇને બેંગલુરુ સુધી 11 લોકેશન પર દરોડા પાડવામાં આવ્યા હતા. તે દરમિયાન ઝડપાયેલ દસ્તાવેજોના આધારે ED આગળ વધુ તપાસ કરી રહ્યું છે. આ સાથે જ કેટલાક ઇમેઇલ્સ તથા ડોક્યુમેન્ટને સીઝ કરીને એજન્સીએ હવે 18 લોકોનું નિવેદન લીધેલું છે.
2 ફ્લોરની કિંમત 200 કરોડ
એટલું જ નહીં આ પ્લોટના રિડેવલપમેન્ટને લઇને બંન્ને પક્ષો વચ્ચે થયેલ કરારના દસ્તાવેજો પણ મળી આવ્યા છે. 2006-07માં થયેલ આ ડીલ મુજબ સીજે હાઉસના 2 માળ મેમણ ફેમિલીનો આપવામાં આવેલ છે. ઇડીના સૂત્રઓના જણાવ્યા મુજબ ઇમારતના 2 ફ્લોરની કિંમત 200 કરોડ રૂપિયાની આસપાસ છે.