મજબૂરી / કોરોનાના કારણે આર્થિક સ્થિતિ બેહાલ : પિતા સાથે ફળ વેચવા મજબૂર સ્ટાર એથ્લીટ

• અલી અન્સારી એશિયન યુથમાં બ્રોન્ઝ મેડલ જીત્યો 
• ઘરની નબળી આર્થિક પરિસ્થિતિના કારણે રમતમાં નથી આપી શકતો ધ્યાન 
• પિતા સાથે ફળ વેચવાનું કામ કરવું પડી રહ્યું છે 

યુવા ખેલાડી અલી અન્સારી એશિયન યુથમાં બ્રોન્ઝ મેડલ જીતીને ભારતનું નામ રોશન કરી ચૂક્યો છે, જોકે ઘરની નબળી આર્થિક પરિસ્થિતિના કારણે હાલ તે રમતમાં ધ્યાન આપવાના બદલે ફળ વેચીને પોતાના પરિવારનું ગુજરાન ચલાવવામાં મદદ કરી રહ્યો છે.

Delhi: Young sportsperson from underprivileged families are finding it hard to continue their sport amid #COVID19. Ali Ansari says, "My family is not financially sound & lockdown made our lives more difficult. Nowadays I help my father at his fruit shop". pic.twitter.com/M5xeaAvkH7

— ANI (@ANI) July 21, 2020

અલી અન્સારી દિલ્હીના મહિલપાલપુર વિસ્તારમાં રહે છે અને પિતા સાથે મળીને ફળ વેચવાનું કામ કરી રહ્યો છે. અલી અન્સારીએ જણાવ્યું, ''મારો પરિવાર આર્થિક રીતે મજબૂત નથી અને લોકડાઉને અમારા જીવનને વધુ મુશ્કેલ બનાવી દીધું. હાલ હું ફળ વેચીને મારા પિતાને મદદ કરી રહ્યો છું. અહીં લોકો મને 'કેળાંવાળો' કહીને બોલાવે છે, પરંતુ શું કરું? પરિવારને મદદ કરવા માટે કંઈક તો કરવું જ રહ્યું.''

એવું પહેલી વાર નથી બન્યું, જ્યારે કોરોના સંકટમાં કોઈ યુવા ખેલાડીના આવી રીતે સંઘર્ષ કરતા હોવાના સમાચાર સામે આવ્યા હોય. આ પહેલાં પણ ઝારખંડમાં ઘણા યુવા ખેલાડી આર્થિક તંગીના કારણે શાકભાજી વેચી રહ્યા હોવાના સમાચારથી સનસનાટી મચી હતી. તેથી રાજ્ય સરકારે આવા ખેલાડીઓને આર્થિક મદદ આપવાની સૂચના આપી હતી.