ડોક્ટર્સ કે ડાયટિશિયન દ્વારા હંમેશાં બ્રેકફાસ્ટને દિવસનું સૌથી મહત્ત્વનું ભોજન કહેવામાં આવે છે.
શિયાળામાં હેલ્થને ખાસ સાચવો
બ્રેકફાસ્ટમાં ડેરી પ્રોડક્ટ અપનાવો
પલાળેલા ડ્રાયફ્રુટ ખાવાથી થશે ફાયદો
દિવસની શરૂઆત એક સારા અને હેલ્થી નાસ્તા સાથે કરવાથી તમારા શરીરને દિવસભર કામ કરવા માટે તાકાત મળી રહે છે.
બ્રેકફાસ્ટમાં ડેરી પ્રોડક્ટ, બદામ, ફળો અને પ્રોટીન જેવા તમામ મહત્ત્વપૂર્ણ ખાદ્ય પદાર્થો હોવા જોઈએ. કારણ કે દિવસભર વિવિધ કામ કરવા અને ભાગદોડ માટે શરીરને વિવિધ પોષક તત્ત્વની જરૂર પડે છે, જે આપણને બ્રેકફાસ્ટમાંથી મળી રહે છે.
જો તમારા નાસ્તામાં પલાળેલી બદામ અને દ્રાક્ષ સામેલ કરશો તો તમને દિવસની એક હેલ્થી શરૂઆત મળે છે. પલાળેલી પાંચ બદામ અને ૧૦ દ્રાક્ષ ખાવાથી તમે આખો દિવસ એનર્જેટિક રહેશો અને સોલ્ટી અને અનહેલ્થી ખોરાક ખાવાની ઇચ્છાથી દૂર રહી શકશો. પલાળેલી બદામ અને પલાળેલી દ્રાક્ષ ખાવાના ફાયદા આ પ્રમાણે છે.
- તેનાથી તમારું પેટ ભર્યું રહેશે અને પીરિયડ્સના દુખાવામાં પણ રાહત આપશે.
- પાચન માટે બદામ અને દ્રાક્ષ પલાળીને ખાવાં સૌથી ફાયદાકારક છે.
- બદામ સારી યાદશક્તિ માટે ખૂબ ફાયદાકારક છે અને પલાળેલી બદામ અને દ્રાક્ષ તમારા માનસિક સ્વાસ્થ્ય માટે ફાયદાકારક છે.
- બદામ અને દ્રાક્ષમાં રહેલાં એન્ટીઓક્સિડેન્ટ્સ વાળ અને ત્વચાના સ્વાસ્થ્ય માટે શ્રેષ્ઠ છે.
- બ્લડ પ્રેશર અને કોલેસ્ટ્રોલને ઘટાડવામાં મદદરૂપ બને છે.
- હ્રદય માટે ખૂબ ફાયદાકારક છે.
- એસિડિટીની સમસ્યાને દૂર કરે છે.
- ચરબી ઘટાડવા માટે પલાળેલી બદામ ખાવી ખૂબ અસરકારક સાબિત થાય છે.
- બદામ પ્રોટીન, મેગ્નેશિયમ, મેંગેનિઝ, કોપર અને ફાઇબરનો મુખ્ય સ્ત્રોત છે.