વિવાદ / સરકારની કાંકરિયા કાર્નિવલ ઈવેન્ટમાં ફરી નીતિન પટેલ સાથે થયું કે ચર્ચાનો વિષય બની ગયો

• કાંકરિયા કાર્નિવલની નિમંત્રણ પત્રિકાનો વિવાદ
• મુખ્યપ્રધાન વિજય રૂપાણીનું નામ છે
• બીજા મંત્રીઓના પણ નામ સામેલ

નિમંત્રણ પત્રિકામાં મુખ્યપ્રધાન વિજય રૂપાણી, મેયર બીજલબહેન પટેલ, કમિશનર વિજય નેહરા ઉપરાંત પ્રધાનમંડળના સભ્યો આર.સી. ફળદુ, પ્રદીપસિંહ જાડેજા, કૌશિક પટેલ, સંસદસભ્યો કિરીટ સોલંકી, હસમુખ પટેલ તેમજ શહેરના ભાજપના ૧૨ ધારાસભ્ય, મ્યુનિસિપલ હોદ્દેદારો અમૂલ ભટ્ટ, અમિત શાહ, રાજુ ઠાકોર, દિનેશ મકવાણા અને જિજ્ઞેશ પટેલના નામ છે, પરંતુ નીતિન પટેલનો કોઇ ઉલ્લેખ કરવામાં આવ્યો ન હોઇ મ્યુનિસિપલ વર્તુળોમાં ભારે આશ્ચર્ય ફેલાયું છે.

દરમિયાન કાંકરિયા કાર્નિવલમાં મ્યુનિ. શાળામાં ભણતાં ધો.૬ થી ૮નાં કુલ ૪૦૦ વિદ્યાર્થી-વિદ્યાર્થિનીઓ ગણેશવંદના, દેશભક્તિનાં ગીત અને ગરબા વગેરે રજૂ કરીને સહેલાણીઓને મંત્રમુગ્ધ કરશે.

પ્રતિવર્ષની જેમ આ વર્ષે પણ મ્યુનિસિપલ શાળામાં ભણતાં વિદ્યાર્થી-વિદ્યાર્થિનીઓ કાંકરિયા કાર્નિવલમાં વિવિધ સાંસ્કૃતિક કાર્યક્રમ રજૂ કરવાનાં છે. એસઆરપી શાળા નં. રનાં વિદ્યાર્થી-વિદ્યાર્થિનીઓ દેશભક્તિનાં ગીત અને સુખકર્તા દુખહર્તા ગણેશવંદના રજૂ કરશે.

નારણપુરા શાળા નં.૬ના વિદ્યાર્થીઓ આદિવાસી નૃત્ય, બાપુનગર શાળા નં.૭ના વિદ્યાર્થીઓ દેશભક્તિનાં ગીત, નવા વાડજ શાળા નં.૧ના વિદ્યાર્થીઓ શાસ્ત્રીય નૃત્ય, બહેરામપુરા શાળા નં.૯ના વિદ્યાર્થીઓ સત્યમ્ શિવમ્ સુંદરમ્ રજુ કરશે.