કોરોના વેક્સિન નજીકના સમયમાં આવે તેવી સંભાવનાઓ સેવાઇ રહી છે ત્યારે આજે આજરોજ ગુજરાત સરકાર વતી નાયબ મુખ્યમંત્રી નીતિન પટેલે એક પત્રકાર પરિષદને સંબોધન કરતા કહ્યું હતું કે, વેક્સિન આવ્યા પછી પ્રાયોરિટીના ધોરણે વેક્સિન અપાશે. વેક્સિનેશન માટે સરકાર SMS મારફતે લોકોને જાણ કરશે તેવી વાત પણ નીતિન પટેલે પત્રકાર પરિષદને સંબોધતા કરી હતી.
કોરોના વેકિસનેશનની તડામાર તૈયારીઓ
વેક્સિન માટે પ્રાયોરિટીના લોકોની યાદી તૈયાર કરાઈ
વેક્સિનેશન માટે સરકાર SMS મારફતે લોકોને જાણ કરશે
વેક્સિનેશન અંગની તૈયારીઓને લઇને તેમણે વધુમાં જણાવ્યું હતું કે, કેન્દ્ર સરકારના માર્ગદર્શન પ્રમાણે રાજ્યમાં કોરોનાની વેક્સિનને લઇને તમામ વ્યવસ્થાને આખરી ઓપ અપાયો છે.
નાગરિકોને મેસેજ કરીને કરાશે વેક્સિનેશન અંગેની જાણ
નીતિન પટેલે વધુમાં કહ્યું હતું કે, નાગરિકો પરેશાન ન થાય તે માટે ખાસ વ્યવસ્થા કરવામાં આવી રહી છે અને વેક્સિનેશન માટેની તારીખ,સ્થળ અને સમયની જાણકારી SMS મારફતે અપાશે અને રાજ્યમાં 85 હજાર વેક્સિન કેરિયર ઉપલબ્ધ છે. તો રાજ્યમાં રસીકરણ માટે 47,796 વેક્સિન સેન્ટર નક્કી કરાયા છે. તો રસીકરણ માટે 15,534 ટીમ બનાવાશે જેથી રસીકરણ ગ્રામ્યસ્તર સુધી ગોઠવવા તૈયારી કરાઈ રહી છે.
વેક્સિનને ઠંડા વાતાવરણમાં રાખવાની હોય છે
નાયબ મુખ્યમંત્રીએ પત્રકાર પરિષદને સંબોધન કરતા જણાવ્યું હતું કે, કોરોનાની વેક્સિનને ઠંડા વાતાવરણમાં રાખવાની હોય છે માટે રાજ્યમાં કોરોના વેક્સિનને લઇને વ્યવસ્થા કરવામાં આવી રહી છે વેક્સિન માટે પ્રાયોરિટીના લોકોની યાદી તૈયાર કરાઈ છે અને આગામી સમયમાં વેક્સિન આવ્યા બાદ પ્રાયોરિટીના ધોરણે વેક્સિન આપવામાં આવશે.
પ્રથમ તબક્કામાં આરોગ્ય કર્મીઓને અપાશે વેક્સિન
તેમણે વધુમાં જણાવ્યું હતું કે, વેક્સિનને લઇે કલેકટર, મ્યુનિ. કમિશનર સાથે સંકલન થઈ રહ્યું છે અને રાજ્યમાં મુખ્ય સચિવની અધક્ષતામાં વેકસીનની સમિતિ બનાવી છે. કોરોનાની વેક્સિન પ્રથમ તબક્કામાં આરોગ્ય વિભાગના કર્મીઓ, કોરોના કામગીરી કરતા લોકો આંગણવાડી બહેનો, આશાવર્કર બહેનો તથા 2 લાખ 71 હજાર સરકારી કર્મચારી અને 3.96 લાખ આરોગ્યકર્મીને વેક્સિન અપાશે.
બીજા તબક્કામાં પોલીસ અને હોમગાર્ડ જવાનોને વેક્સિન
તો આ સાથે જ બીજા તબક્કામાં પોલીસ અને હોમગાર્ડ જવાનોને વેક્સિન આપવામાં આવશે. તો ત્રીજા તબક્કામાં 50 વર્ષથી મોટી ઉંમર ધરાવતા લોકોને કોરોનાની રસી અપાશે.
2189 PHC, CHC રેફ્રિજરેટરની કરાઇ વ્યવસ્થા
નાયબ મુખ્યમંત્રીએ જણાવ્યું હતું કે, રાજ્યના 33 જિલ્લામાં ટાસ્ક ફોર્સની રચના કરવામાં આવી છે. કોરોનાની રસી સાચવવા માટે 2189 PHC, CHC રેફ્રિજરેટરની વ્યવસ્થા કરવામાં આવી છે. તેમણે વધુમાં જણાવ્યું હતું કે, રાજ્યમાં 6 ઝોનમાં મોટા કોલ્ડ સ્ટોરેજ છે અને 85 હજાર વેક્સિન કેરિયર ઉપલબ્ધ છે.