પીઢ નેતા કોને કહેવાય એ વાત તેમની વાણી પરથી જાણી શકાય છે. હસતા હસતા પણ પ્રહાર કેમ કરવા તેની કળા તેમને હસ્તગત હોય છે. ઠીક આ જ વાતનો પરિચય નાયબમુખ્યમંત્રી નીતિનભાઈ પટેલે આજે આપી દીધો. બ્રહ્મસમાજની સમિટમાં તેમણે મજાક મજાકમાં મૌન તોડયું અને હસતા હસતા ફટકા માર્યા.
હસતાં હસતાં આમળ્યા કાન
સામાજિક સંમેલનમાં રાજકીય પ્રહાર
નીતિન પટેલે અસિત વોરા પર સાધ્યું નિશાન
અમદાવાદમાં આજથી અડાલજ ત્રિમંદિર ખાતે મેગા બ્રાહ્મણ બિઝનેસ સમિટ-2ની શરૂઆત થઈ છે. આ સમિટનો આશય યુવાઓને રોજગારી આપવાના લક્ષ્ય હાંસલ કરવાને છે. બ્રહ્મ સમાજની બિઝનેસ સમિટનો પ્રથમ દિવસ બ્રહ્મ સમાજના સાંસદો, ધારાસભ્યો, કલાકારોની હાજરીથી ધ્યાનાકર્ષક રહ્યો.
હું બોલું તે બધું ગમ્મતમાં ગણજો, નીતિન પટેલનું નિવેદન
પરંતુ આ સમીટમાં નાયબ મુખ્યમંત્રી નીતિનભાઈ પટેલના ભાષણે સૌથી વધારે ધ્યાન ખેંચ્યું. મૃદુભાષી નીતિનભાઈ પટેલે પોતાના ભાષણની શરૂઆતમાં જ કેટલીક શરત મૂકી દીધી. એક પીઢ રાજકારણીનો પરિચય આપતા તેમણે પાણી પહેલા પાળ બાંધી લીધી. તેમણે ખૂબ ઘણું કહેતા પહેલાં જ કહી દીધું. હું બોલું તે બધું ગમ્મતમાં ગણજો
પત્રકારોને ઇશારો કરતા કહ્યું- જોજો ઉપાડી ન લેતા
નીતિનભાઈ એવું તો શું બોલવા માગતા હતા કે તેમણે પહેલા આવી શરત મૂકવી પડી? તેમણે શા માટે પત્રકારોને કહ્યું કે મારી વાત કોઈ ઉપાડી ન લેતાં? આ વાતના જવાબ તો ખુદ નીતિનભાઈ જ આપી શકે. આપણે તો માત્ર નીતિનભાઈ શું બોલ્યા અને તેના અર્થ શું થાય છે તે જ ગણતરી માંડી શકીએ. તો સાંભળો નીતિનભાઈએ હસતા હસતા શરૂ કરેલા પ્રહારના રસ્તે પહેલા કોણ અડફેટે ચડર્યું
કેટલાય સમયથી મૌન નીતિનભાઈને મળ્યો મોકો
પરમ મિત્રો પર હસતા મુખે પ્રહારની શરૂઆત થઈ ગઈ હતી. કેટલાય સમયથી મૌન નીતિનભાઈને જાણે આજે જ મોકો મળ્યો હતો. કાર્યક્રમ રાજકીય ન હતો પણ પ્રહારો રાજરંગે રંગાયેલા હતા.
નાયબ મુખ્યમંત્રીએ હસતા-હસતા કર્યા વેધક પ્રહાર
નીતિન ભાઈને ઘણા દિવસો બાદ હસતા હસતા વેધક પ્રહાર કરવાની તક મળી હતી. યુવા રોજગારીના આશય સાથે મળેલા સંમેલનનું સ્ટેજ નીતિનભાઈને પસંદ આવી ગયું. તેમણે હસતા હસતા અને મિત્રોની પ્રશંસા કરતા કરતા જે વાત કરી તેના અનેક અર્થો નીકળે છે. તેમના હાસ્યને જો તમે ત્રીજા નેત્ર દ્વારા પારખી શકો તો તેમાં રાજ્યના યુવાનોનો આક્રોશ જોવા મળશે. સાંભળો ધ્યાન દઈને તેમની આ વાત
મિત્રોના કાન આમળવાની કળા તો કોઈ નીતિનભાઈ પાસેથી જ શીખે
નાયબ મુખ્યમંત્રી નીતિનભાઈ પટેલે હસતા હસતા જે પ્રહારો કર્યા છે તે એક પીઢ અને પ્રજાવત્સલ રાજકારણીને છાજે તેવા છે. તે જે કંઈ કહેવા માગતા હતા તે તેમના મોઘમ હાસ્ય પરથી જણાઈ આવે છે. યોગ્ય સ્ટેજ પરથી યોગ્ય વાત કરીને પોતાના જ મિત્રોના કાન આમળવાની કળા તો કોઈ નીતિનભાઈ પાસેથી જ શીખે.