ભરતમાં લગ્ન થાય એટલે મોટા ભાગના કપલ યુરોપની વાટ પકડતા હોય છે. કોરોના વાયરસના કારણે નવા પરણેલા લોકો બહાર જવાનુ ટાળી રહ્યાં છે અને ભારતમાં જ એવા સ્થળ શોધી રહ્યાં છે કે જે યુરોપને પણ ટક્કર મારે. અનએક્સ્પ્લોર જગ્યાઓની ડિમાન્ડ વધી રહી છે.
યુરોપને ભૂલી જવાય તેવી સુંદરતા
જમ્મુ-કશ્મીર સ્વર્ગ કરતા પણ સુંદર
લોકો જઇ રહ્યાં છે કાશ્મીર તરફ
જમ્મુ-કશ્મીરમાં નવા વર્ષમાં ભારે બરફવર્ષા થઇ રહી છે. બરફની સફેદ ચાદર ઓઢેલા કશ્મીરની સુંદરતા કંઇક અલગ જ દેખાઇ રહી છે. ભારે બરફવર્ષાને કારણે થોડી મુશ્કેલી પડી રહી છે પરંતુ પર્યટન વિભાગને ઘણો ફાયદો થયો છે. કોરોનાને કારણે બંધ પડેલુ ટુરિઝમ ફરી ધબકતુ થઇ ગયુ છે.
આ વર્ષમાં કશ્મીરમાં આવનાર વ્યક્તિઓ મોટાભાગના હનીમૂન કપલ છે, કપલ તેમના મિત્રો અને સગા સંબંધીઓના કહેવા પર કશ્મીર જાય છે અને ખુબ ખુશ થઇ જાય છે. કાશ્મીર માટે કહેવાય છે ને કે ધરતી પર ક્યાંય સ્વર્ગ છે તો તે અહીં જ છે. ગુલમર્ગમાં લોકો ખુબ જ એન્જોય કરી રહ્યાં છે.
કાશ્મીરનો અનુભવ દરેક કપલ માટે ખુબ જ અનોખો હોય છે.
ગુજરાતના કપલનો અનુભવ
ગુજરાતથી કશ્મીર ગયેલા ચિરાગ ગોરાણી અને વર્ષા ચંદનાની હાલમાં જ કશ્મીરથી પરત ફર્યા છે. તેઓનો પણ યુરોપ જવાનો પ્લાન હતો પરંતુ કોરોનાને કારણે બંનેએ પ્લાન કેન્સલ કર્યો અને કશ્મીરની વાદીઓમાં સાથે સમય પસાર કરવાનું નક્કી કર્યુ હતુ. તેમણે કહ્યું કે, ભારતીય લોકોએ વિદેશ ફરવા જતાં પહેલા ભારતમાં રહેલી અદભૂત જગ્યાઓએ ફરવા જવું જોઇએ. ચિરાગે કહ્યું કે તેમણે આજ સુધી આટલી સુંદર જગ્યા નથી જોઇ.
કશ્મીરી લોકોનું વર્તન
આપણે સૌ જાણીએ છીએ કે કશ્મીર નામ આવે એટલે દરેક લોકોના મનમાં આતંકવાદ આવી જાય છે પરંતુ ચિરાગે કહ્યું કે, તે તેમની પત્ની સાથે ત્યાં ગયા ત્યારે લોકલ લોકોએ તેમનું ખુબ વ્યવસ્થિત સ્વાગત કર્યુ અને સહેજ પણ ડરનો માહોલ નહોતો. વૉર્મ વેલકમ કર્યુ જેના કારણે ખરેખર ત્યાં લોકો કેવા છે તે ખબર પડી. ચિરાગ અને વર્ષાનું ફેવરિટ સ્થળ ગુલમર્ગ રહ્યું જ્યાં તેમણે ખુબ એન્જોય કર્યું.
તેઓએ વધુમાં કહ્યું કે, કશ્મીર વિશે જેવું સાંભળ્યુ હતુ તેવું જ છે. જેટલુ પુસ્તકોમાં વાંચ્યુ છે અને ટીવીમાં જોયુ છે તેના કરતા પણ કશ્મીર વધારે સુંદર છે. અમે ખુબ જ સાચો નિર્ણય લીધો કે કશ્મીર ફરવા આવ્યા. હવે અમે અન્ય લોકોને પણ સજેસ્ટ કરીશું કે તે જીવનમાં એક વાર તો કશ્મીર જઇ આવે, નહીંતો સ્વર્ગની મજા મિસ કરી દેશો.
ડલ ઝીલ ખુબ સુંદર
કાશ્મીરમાં રહેલી ડલ ઝીલ ત્યાં આકર્ષણનું કેન્દ્ર બન્યું છે. અહીં આવનાર લોકોમાં વધારે પડતા ન્યુલી વેડ કપલ જ છે. લોકો માત્ર ફરવા જ નહી પરંતુ પ્રિ વેડિંગ શૂટ કરાવવા પણ અહીં આવે છે.
ફેમિલી વેકેશન
હનીમૂન સિવાય લોકો પરિવાર સાથે સ્વર્ગ જોવા પણ અહીં આવે છે. કોરોનાને કારણે લોકો ઘરમાં ભરાઇ ગયા હતા અને પોતાનું વેકેશન મિસ કરી દીધુ હતુ પરંતુ કશ્મીર આવીને તે લોકોએ યુરોપને સેજ પણ મિસ નથી કર્યુ તેવું તે કહી રહ્યાં છે. ફેમિલી સાથે કાશ્મીર આવીને ખૂબ મજા કરે છે.